مطعم سي جول

مكان جميل جدا .بدايه من ركنه العربيه بره والراجل العسليه صاحب الوجه المبتسم وملابسه النظيفه جدا تحسه صاحب الشارع والله 🫡وذقنه وعلامه الصلاة وهيئته تدل علي التزامه ربنا يثبته .ولعب وتصوير الأطفال مع بعض الحيوانات اللي في ممر مدخل المكان .
واختيارك بنفسك للسمك من علي طاوله العرض .
ودخول جوا من نصيحتي ترابيزه رقم ٥ جميله جدا أقرب نقطه للبحر وفي نفس الوقت جوا في الظل .

((مرورا)) من الراجل العسليه العفوي عازف العود وبيعرف يغيرلك مودك باغنيه بسيطه مرتجله بأسمك وطبعا بيعرف اسمك من مدير الصاله وانت بتعمل أوردر. نصيحه اعمل الاوردر بأسم ابنك او بنتك عشان مفاجأة المطعم اول ما تجلس هيجيبولك طبق طحينه في شويه حركات واسمك واحتفال بوجودك وكده.
(مرورا”)ب تقديم الاكل بشكل جميل ومناسب .

حتي الشابين الأخوات اللي عند مكان الوضوء قمه الاحترام والاخلاق من البحيره اعتقد او المحله مثال جميل لعامل المرضي بمرتبه ومش بيحرجوك في انك لازم تديهم فلوس او حاجه بالعكس ادابهم يجبرك انك عايز تراضيهم من نفسك مش زي ما بنشوف بره .

نهايه بلعب بالخارج مع الاطفال في بيت المطاط وكوبايه الشاي علي المرجحه اللي برا في الهوا

وتقدر تجيب كرسي وتقرب جدا للبحر بحيث يبقا ريحه البحر مع الشاي .
طبعا مش هننسي صاحب المكان ملحقتش اعرف اسمه ولكن حصل موقف كده مع الاطفال ان حد قفل الهواء من بيت المطاط وطفي النور ولكن عمو العسليه ذو التيشيرت الشبابي بألوانه المبهجه كان حاسم جدا في قراره ربنا يحفظه ويبارك فيه .من وجهه نظري مكان جميل جدا جدا ملحوظه خلي بالكم (غالي شويه صغيره +الخدمه تقريبا١٢%)

مطعم فخم على البحر مباشرةً تشعر برذاذ ماء الأمواج وانت جالس إلى الطاولة المطعم يقع في منطقة المكس في الإسكندرية. يقدم الوجبات البحرية بطرق ووصفات مختلفة ومتعددة بأسعار متوسطة الجمبري مميز جداً في هذا المطعم. والخدمة راقية والكادر رائع ومتعاون. كانت تجربة سعيدة وانوي إعادتها إن شاء الله.

فيو رائع
الاكل حلو اوي بس تسوية الكابوريا مش قد كدا
شوربة السي فود غنية جدا وطعمها حلو جدا
الجمبري البترفلاي حلو جدا مع صوص الهاني مسترد
البطارخ كانت حلوة اوي والسبيط كلماري
البربون مجمد مش بلدي بس طعمه كويس مش لحم ناشف
الدنيس كانت تتبيلته مميزة وشويه رائع
كفتة الجمبري ضعيفة اوي تكاد تكون بدون جمبري
السلطات جميلة جدا بالذات بطارخ الرنجة
في حيوانات اليفة زي القرود وفي غزال وبجع وبغبغانات مسموح للاطفال اللعب معاهم
الحمامات نضيفة جدا
الاستاف كله ناس ودودة
في مسجد كمان
تجربة في المجمل جميلة جدا