رجب العطار

اروع عطار في القاهرة تجد عنده جميع الأعشاب والبقوليات

المكان بتعامل معاه من سنين في العطاره طول السنه و الياميش بس للاسف السنادي الجوده سيئه جدا و كمان البلح بالرغم من انه اغلي حاجه اللي ب ١٤٠ جنيه الا انه مسوس و فيه دود حي بيمشي ملي الشنطه و بوظ السوبيا و هما مشكورين ردوا ٢٤٠ جنيه تمنه هو و السوبيا بس للاسف مش هتعامل معاهم تاني لان الامانه معدومه و حسبي الله و نعم الوكيل بجد في النفسيه السيئه اللي سببوهالنا

رجب العطار اشهر من العلم على نار تجربتي كانت فرع الجماليه من ترشيح أحد الأقارب فرع عريق وقديم ولسا محافظ على نظامه الكلاسيكي
متوفر جميع انواع خدمات ومنتجات العطاره لكن مع فرق شاسع في الأسعار عن أي عطار اخر واعتقد ده بسبب شهرة المكان واقدميته جودة وثقه ولكن اقترح تدريب العمال على أسلوب التعامل شويه عندي تعليق في نقطه دي جزء الدفع ارجو تطوير خدمات الدفع الالكتروني ومواكبة العصر الحالي.
السلبيه هتلاقيها في الزحمه :
لو جاي بعربيه هتضايق من الزحمه الطبيعه للمكان وقليل لما تلاقي ركنه في أيام الذروه لكن يوم الاحد كانت الشوارع منظمه وهتعرف تركن .

ارجو من فريق رجب العطار الحفاظ على السمعه الطيبه دي والاستمرار في ثقة العملاء وتطوير خدمات الدفع وتدريب العمال .