مستشفى أمريكان

بجد حابب أكتب التقييم ده للدكتور محمد حسن في المستشفى الأمريكي من قلبي ❤️

دي كانت أول ولادة لينا وكنا تايهين جدًا في الأول بين دكاترة كتير ومش مستقرين خالص على دكتور نتابع معاه أو نولد معاه لحد ما بالصدفة عرفت الدكتور محمد حسن

من أول مقابلة معاه كان أكتر دكتور إداني ثقة وأكتر دكتور حسيت إنه Professional جدًا في شغله وبيفهم هو بيعمل إيه وبيطمنك من غير ما يحسسك إن في حاجة تقلق

مراتي كانت خايفة جدًا من الولادة وما كانتش متخيلة إن الموضوع ممكن يعد بالسهولة دي لكن الحمد لله مع الدكتور محمد حسن الولادة كانت تقريبًا أسهل حاجة في الحمل كله والحمد لله ربنا رزقنا ببنتنا وكل حاجة عدت على خير ❤️

أكتر حاجة عجبتني فيه إنه دكتور بيتكلم معاك وبيشرحلك كل حاجة بالتفصيل الممل وده بالنسبالي فرق كبير جدًا بيقولك العلاج ده ليه وبيعمل إيه وبيشرحلك كل خطوة قبل ما يعملها وبيفهمك إنت داخل على إيه وإيه اللي ممكن يحصل وإيه الأعراض الجانبية وكل حاجة بمنتهى الوضوح

بصراحة أنا ما شفتش دكتور بالمهنية والاحترافية دي قبل كده وحسيت من أول لحظة إننا في إيد أمينة

حابين نشكره جدًا جدًا وبجد معرفتنا بالدكتور محمد حسن كانت رزق من عند ربنا لينا

وبإذن الله سواء مراتي في أي حمل جاي أو أي حد من عيلتي مش هفكر أتابع مع أي دكتور تاني غير الدكتور محمد حسن

One of the best doctors in Egypt ❤️

ولو هعمله Rank في النسا والتوليد بالنسبالي هو Rank 1 بكل أمانة

شكرًا جدًا يا دكتور محمد حسن وربنا يباركلك في علمك وشغلك ويجزيك عننا كل خير ❤️🙏

كل الشكر والتقدير للدكتور محمد حسن على كل المجهود والاهتمام خلال رحلة حملي وولادتي. 🙏🌷

من أول متابعة الحمل لحد يوم الولادة، كنت دايمًا حاسة بالأمان والاطمئنان بسبب خبرتك الكبيرة واهتمامك بكل التفاصيل. حضرتك دكتور شاطر جدًا ، لكن الأهم من كده إنك إنسان محترم وخلوق ومتعاون بشكل يفرق جدًا مع أي مريضة.

تجربة الولادة كانت من أهم وأصعب اللحظات في حياتي، لكن بفضل ربنا ثم وجودك ودعمك مرت بأفضل شكل ممكن، وخرجت منها وأنا شايلة أجمل هدية في الدنيا، بنتي تيا. ❤️

شكرًا على صبرك واهتمامك وحرصك الدائم على راحة مرضاك، وشكرًا لأنك كنت سببًا في إن التجربة دي تكون مليانة طمأنينة وثقة. ربنا يبارك لك ويوفقك دائمًا، وتستاهل كل كلمة شكر وكل النجاح اللي بتوصله. �