دُكان أوتو سيرفيس – فرع ألور

تجربة ممتازة جدًا مع مركز الصيانة

أول حاجة، موقع المركز مميز جدًا وسهل الوصول إليه لأنه موجود مباشرة على شارع التسعين الشمالي.
رغم إن التعامل بيكون بالحجز المسبق، كان عندي ظرف طارئ، وفريق المركز تفهم الموقف واستقبل العربية بدون أي تعقيدات، ودي كانت نقطة تحسب لهم.

أحب أشكر المهندسة رضوى على احترافيتها واهتمامها بالتفاصيل. استلمت العربية، وسجلت كل ملاحظاتي بدقة، وشرحت لي خطوات الصيانة بالكامل، خاصة إن الصيانة كانت كبيرة وفيها تفاصيل كثيرة. كمان كانت أمينة جدًا في النصيحة، ووضحت لي إيه قطع الغيار اللي الأفضل تكون أصلية، وإيه اللي ممكن أستخدم فيه Aftermarket بدون مشكلة.
عملت كمان كشف شامل للعربية، وكانت بتابع معايا أول بأول وتبلغني بكل المستجدات

ومن المميزات كمان إن المركز فيه مكان انتظار نظيف، مكيف، ومريح، وده بيخلي وقت الانتظار أفضل بكتير.

بصراحة، أرشح المركز لأي حد معاه عربية فرنساوي

مهندس محمد سامي راجل قمه الذوق والاحترام راجل صريح جدا واسلوبه فوق الممتاز بصراحه انا عملت صيانه ٨٠٠٠٠ الف وغيرت طنابير وتيل امامي وخلفي والراجل كان متعاون لدرجه رهيبه ماشوفتش كده بصراحه فعلا الواحد مبسوط جداا انه اتعرف علي شخصيه زيه 🩵❤️

بشكر جداً مهندس / محمد سامي علي حسن الاستقبال والاستماع لمشكلتي في العربية
وخرج معايا نجرب العربية قبل البدء في الصيانة
ولاحظت صوت بعد الصيانة بصراحة خرج معايا تاني وطمني ان ده من تنظيف الطنابير وراح فعلاً زي ما قالي
مكان محترم
استقبال جيد
محترفين فعلاً
وان شاء الله مش آخر تعامل
شكرا مهندس محمد سامي
شكرا لجميع فريق العمل