مطعم وكافيه جوستو – مصر الجديدة

تجربتي كانت سيئة

أول ما قعدت وطلبت Spanish Latte، جه ويتر تاني وقال إن فيه Minimum Charge 300 جنيه للفرد عشان ده وقت الغداء. قلت له تمام، وممكن بعد شوية أطلب حاجة تانية

الغريب إن كان فيه ترابيزة جنبي لشخصين قاعدين في نفس الوقت تبعي، وماحدش قالهم أي حاجة عن الـ Minimum Charge، وفي الآخر دفعوا حوالي 400 جنيه للاتنين، يعني واضح إنه ماكانش بيتطبق عليهم بنفس الطريقة

لما استفسرنا ليه فيه ناس بيتقالها على الـ Minimum Charge وناس لأ، كان الرد إنه “دي تعليمات جديدة من الإدارة”، من غير أي توضيح، وكان أسلوب التعامل فيه تطفيش أكتر من إنه يحل المشكلة. ولما كملنا نستفسر، اتقال لنا “اقفلوا شيك الترابيزة دي”، وده كان بمثابة طرد بطريقة غير مباشرة لمجرد إننا سألنا عن سبب اختلاف التعامل

وفي النهاية دفعت 230 جنيه على Spanish Latte واحد فقط (بالسيرفيس ومن غير حتى زجاجة مياه)، يعني كل اللي حصل ده كان عشان فرق 70 جنيه! والأغرب إن أصلاً صعب جدًا توصل فاتورتك لـ300 بالظبط، لأن أي إضافة بسيطة هتخليك تدفع أكتر من الحد الأدنى.

وبالمناسبة، الكافيه كان فاضي تقريبًا، فالموضوع ماكانش بسبب الزحمة أو عدم توفر أماكن

المشكلة مش في وجود Minimum Charge، لو ده نظام المكان فهو من حقهم، لكن المشكلة في إنه بيتطبق بشكل انتقائي، ومع أسلوب تعامل غير احترافي، وأي حد يحاول يفهم السبب بيتقابل بطريقة تخليه يمشي. تجربة للأسف مش هكررها

مكان سئ جدااا جدااا من اول الاكل لحد المشروبات و الخدمه سيئه جدا لا يوجد قيمه مقابل سعر 🤮