مقهى برايم هاوس | فرع الشيخ زايد

أكلهم جميل والخدمة ممتازة لكن لاحظت ان فيه حد بيدخن سجاير إلكترونية والصالة مكيفة ومقفولة والدخان وصلني وأنا عندي حساسية في الصدر وسألت شاب من المسئولين عن الموضوع قالي ان المطعم بيسمح بتدخين السجاير الإلكترونية جوا الصالة عادي! الصراحة الموضوع دا سيء وليه أضراره على الصحة وأرجو ان المطعم يغير سياسته بخصوص النقطة دي.. غير كدة المكرونة لذيذة والمشروبات حلوة جدا واتفرجنا على نهائي كاس العالم عندهم وكانوا متعاونين في توفير مكان وفي تقديم الخدمة بدون تأخير..

من الأماكن اللي فعلًا بقيت أعتمد عليها لما أحتاج أغير جو وأشتغل في مكان هادي ومريح. الكافيه مناسب جدًا للشغل أو المذاكرة، الإضاءة مظبوطة، الهدوء حاضر، وفيه اهتمام واضح بالتفاصيل اللي بتفرق في التجربة كلها.

القهوة حلوة جدًا، والخدمة سريعة ومنظمة، وكل حاجة بتتقدم بشكل شيك 👌

ومن أكتر الحاجات اللي مميزة بجد هي مروة. أسلوبها في التعامل راقي جدًا، دايمًا بشوشة وبتحاول تساعد وتخلي التجربة مريحة لأي حد موجود. واضح إنها مهتمة بشغلها وبتدي طاقة حلوة للمكان كله، وده بيعمل فرق كبير.

المكان حلو فعلًا، بس وجود ناس زي مروة هو اللي مخليه مميز أكتر ❤️

اكتر حاجة بحبها في المكان اجوائه، قهوة عادية وبانكيك عادي مكان طبيعي ممكن اقعد اخلص فيه شغل في هدوء وستاف لذيذ فاحيانا جميل انك تكون Average والله 💙