بوتيك برايداي للعرائس

مقرفين في التعامل منصحش بيهم خالص .. ومبيسلموش الفستان غير ليلة الفرح يعني لو في اي تعديل ميتعملش و لو مش عجبك ع كدة خلاص مش بيرجعولك الفلوس .. عملوا الموقف ده مع صحبتي قبل فرحها بكام يوم لا سلموها للفستان ولا رجعولها الفلوس

منهم لله لحد قبل فرح بيومين مش راضيين يسلموا الفستان وكله أخطاء ومعنلوش اي تعديلات ومش راضين يرجعوا الفلوس نصابين
حسبي الله ونعم الوكيل

اسوء مكان تتعاملوا معاه و هيبوظوا فرحتك و يومك.
قبل استلام فستان الزفاف بيومين لقيت الفستان مش كامل و في حتت بايظة رغم انها مأكدة عليا انه هيبقى في شكله النهائي و اتخانقت معايا و زعقت فيا و في اهلي لما طلبنا منها اني اقيس تاني الفستان بعد اما يكمل، و اما طولنا معاها في المكان اخرت ميعاد استلامي يوم بحاله بحيث اني استلم قبل فرحي بكام ساعه بس !!! طردتنا من المكان و طفت علينا الانوار و مش فارق معاها حاجة و كل دا قبل فرحي ب ٣ ايام بس و حتى رافضة انها ترجعلي فلوسي واخده مبلغ كبير رافضة ترجعه او ترجع جزء منه حتى رغم انها غلطتهم. حسبي الله و نعم الوكيل و منصحش اي حد بالتعامل معاهم و افوض امري الى الله هو الحي الذي لا يموت. فرحي فاضل عليه يومين و بدور على فستان فرح دلوقتي بكسرة قلب و بوظت فرحتي و خدت فلوسي مني و مش راضيه ترجعلي حاجة.