تصاميم خافاجا

الفستان بتاعي كان حلو اوي و انبسط بيه
بس البنات كانوا لطاف اوي ف الاول و بعدها لما ابتديت اظبط الفستان و اطلب طبيعي زي اي عروسه زهقوا بسرعه و مكنش عجبهم علي اني بعلق
بس هما احتفلوا بيا و شغلولي اغاني الصراحه

محل محترم والبنات شاطرين وفساتنيهم كتير وعادي تتصوري علشان تاخدي راي الناس مش متعنتين زي باقي الاتليهات

إداره في قمة الفشل ومعندهمش أى فكره عن التعامل مع العملاء
اتفرجت على فستان و عجبنى
بعدها بيومين روحت احجزة لقيت الكلام اختلف والسعر غلي عن اللي اتقال قبل القياس و اتحججو إن البنات اللى شغالين كلهم مش عارفين الاسعار و بيقولوا أسعار تقريبيه بعدها استاذ باهر تدخل و حل الموضوع مشكوراً و دفعنا و أخدوا المقاسات واتفقنا إن اول بروفه بعد ٥ ايام كلمتهم يقولولي لسه باعتين الفستان النهارده للمصنع وهنكلمك لما يجهز
بقولها انتم وعدتونى إنهم ٥ ايام و اجي اقيس واستاذ باهر أكد عليا فوجئت برد البنت بأن استاذ باهر مش عارف حاجه وانه مش مسئول عن الفرع ده وانه ادخل عشان يهدى الدنيا و بعد ١٢ يوم أول بروفه اتفاجأت بأن تقفيله الكم مش نفس شكل الفستان وضيق والكبش مكشكشه في الفستان و تقفيله الرقبه فيها مشكله والرباط باين و شكله وحش جداً
و لما اتكلمت واحده جت بتحاول تقنعني إن الفستان زى الفل و مفهوش حاجه وإن ده طبيعي و هنبقى نديكي حته قماش خيطيها يوم الفرح على الرباط و مش هتقدر تعدل حاجه في الفستان و راحت سيبانا و ماشيه وبتقول شوفيهم دافعين كام !!
بنسأل مين دى بيقولولنا دى صاحبه المكان!!
ست قمه في عدم الاحترام وعدم المهنية وحتى محاولتش تحل المشكلة
المكان دة غير جدير بالثقه لأى عروسة و سببلنا
مشكلة والفرح بعد أقل من شهر..

دة الريڤيو اللي صاحبتي كانت كتباه على البيدچ عندهم قبل ما يعملولها بلوك طبعاً