مطعم جايا

المطعم جدا جدا رائع والاكل كان ساخن وحلو جدا كل حاجة تقيمها ١٠/١٠ وكمية الاكل كانت حلوه جدا ما عدا النودلز مش عجبتنا جدا بس الصراحة الكمية حلوه على سعرها والكيمباب الصراحة كان اسوء حاجة في الاكل طعمه غريب مش عارفة هو كده أصلا ولا عشان تاني مره اكل اكل كوري .
والاسعار شايفه مناسبه جدا على جودة الاكل والكمية والاكل نزل ساخن وشكرا جدا لصاحب المحل وطاقم العمل على التحفة دي ♥️

هكتب الريڤيو ده بالعربي المرة دي عشان اللي بيقرا يبقي مصحصح للي هيقراه بسم الله..

جو المكان: أول مدخلت مكانش في نفر حرفيا لدرجة اننا قلقنا إن محدش بيروحه ف خرجنا برا نسترجع خطتنا بس في الاخر طلبنا و قعدنا و جو المكان لذيذ مش وحش.. المكان اتزحم في الاخر كان مليان كوريين و أنا و ترابيزة تانية إللي كنا مصريين.

العمال: لطاف جدا سهل التعامل معاهم و بيحسسوا إللي قدامهم إنه مرحب بيه بشدة ف الموضوع ده عجبني

مستوي النظافة: أقدر أقول و بكل وضوح إن مستوي النظافة عندهم متدني جدا.. اللي كان بيحطلنا الاطباق الجانبية كان بيحطها ع الترابيزة بالمنظر إللي أنا مصوراه في آخر صورة.. الحركة دي قفلتني جدا بجد لأني محبش أشوف أيد بتتحط في اللقمة إللي هاكلها.. طالما بيعمل كده قدامنا يبقي ايه اللي بيحصل في المطبخ نفسه إحنا مش شايفينه؟؟ ده رأيي

الاكل: الاطباق الجانبية بتنزل قبل الاكل نفسه.. ده أساسي و مش بتدفع فلوسها.. الدكبوكي احلي حاجة جبناها حرفيا طعمه روعة.. و الچاچانج ميون لطيف و الكمية لايقة ع السعر أصلا معرفتش اخلصه ف قاعدة واحدة من كتره.. التشيكن بولجوجي كان في ريحة غريبة زي ما يكون محروق و لقيناه محروق فعلا و رجعناه و مدفعناش فلوسه بس جبنا بداله سويت آند ساور تشيكن و كان طعمه حلو بس الزيت إللي فيه كتير زي ما يكونوا مش بيصفوه من الزيت او الزيت مستخدم كذا مرة الله اعلم

الاسعار: هي عالية نسبيا لكن كميات الاكل لايقة علي السعر ف مقدرش اعترض.. انا و أختي دفعنا ٣٦٠ جنية

المجمل: تجربة مش سيئة بس محبش إني أكررها تاني الصراحة 😂 يمكن لو اهتموا بالنظافة و الجودة كان هيبقي الحال احسن