دجاج زاد المقلي

الاوردر كان سئ جدا الفراخ مش طازه ومزرقه رغم انها استربس
والتوميه سايله جدا
والعيش مش فريش

مش هتعامل معاهم تاني

طلبنا ٦ قطع ٣ سبايسي و٣ عادي، بينزل معاهم ٢ تومية، ٢ عيش وبطاطس والحقيقة اتبسطت لكذا سبب.
أولا السعر تحفة، ٦ قطع ب ٢٥٥ جنية، هذا ما لم نسمع به من قبل، تحس ان انت لسه في ٢٠١٩

ثانياً الفراخ طعمها جميل، مش زفرة، مستوية كويس، قرمشة تحفة، تتبيلة كويسة. بيستخدموا بطاطس طازة مش مجمدة ولا فارم فريتس وطعمها باين.

ثالثاً المكان ذات نفسه شكله حلو، الفايب بتاعته جميلة، الستاف ناس محترمة.

التعليق الوحيد بس ان حجم الفراخ صغير شوية ولكن بالنسبة لسعرها فمش مضايق اطلاقا.

تجربة جميلة جدا، مكان جميل، طعم حلو وقيمة مقابل سعر خرافية. هحب اروح تاني واجرب باقي المنيو.

أجمد تتبيلة وطعم و سعر وكل حاجة ❤️❤️
الصوصات بس مشكلتها انها خفيفة دايما بلاقيها كدة سواء الثومية او الباربكيو
بس استغربت بسأل الكاشير عالعروض لقيته بيقولي عالصفحة يعني المفروض انت مقدم الخدمة يعني تعرضها عليا تقنعني اشتري منك