موقع Beau

فندق يأخذك إلى ذكريات مطروح/ العهد الجميل …والأسر المبكرة التي حملت على عاتقها أمانة التجذر في مدينة الطبيعة العذراء ..وكان منها الخواجة ميتسو الذي أنشأ فندق البوسيت بروح البحر متوسطية االنمط اليوناني ممزوجا بخفة الروح المصرية فخرج مزيج قل تكراره ..

الفندق كمستوى مباني و غرف متواضع و ده بسبب ان الفندق ٣ نجوم و بالتالي فممكن ميكنش مناسب للي متعود على مستوى عالي زي حالاتي.

الخدمه صراحة كويسه و العمال بشوشين بشكل عام

الشاطئ كويس

للاسف الفندق معندوش جراج و لازم تركن قدام الفندق و تسيب مفتاح العربية في الرسبشين علشان سايس الفندق يحركها عند اللزوم. العربيات بتركن كتير صف تاني و دايما عرضه انها تتخبط او تجرح.

بالنسبه للفطار و العشاء الاوبن بوفيه فمستواه متوسط و لكن لا يقارن بفنادق الخمس نجوم في الغردقه مثلا.

صراحة معتقدش هاجي تاني الفندق

الفندق مكانه حلو والبحر بتاعه مثالي! الشط رملي واسع والمياه جميلة. الأوضة كانت بسيطة ونظيفة وحلوة. أحلى حاجة في الفندق هو الناس اللي شغالين فيه: كلهم ناس مبتسمة ولطيفة ومهنيين بيعملوا شغلهم على أكمل وجه. الأكل كان حلو قوي ومتنوع وكل اللي شغالين في المطعم سواء الصبح أو بالليل بشوشين وبيساعدوا دايماً. أحب اشكر أستاذ ميلاد على الأخص على الترحاب كل يوم بابتسامة صادقة. برده المطعم اللي على البحر أكله متنوع ولطيف والناس برده بشوشين ومتعاونين، خصوصاً بيتر.
القعدة في الجنينة برده لطيفة خالص.

إحنا انبسطنا جداً وهنيجي تاني أكيد ❤️