محمود رو3ا، مصفف شعر

طلبت منهم لون لشعري معين قبل خطوبتي ووريتهم صور كتير وعملولي حاجة بعيدة خالص عنها، كنت عايزة لون تشوكليت غامق بس عملي كاراميل فاتح على اشقر على برتقالي، طلبت يتغمق قالولي طب جربيه يومين ولو معجبكيش تعالي نغمقه، دفعت مبلغ اكبر من اللي كنت عاملة حسابي عليه عشان الالوان الكاراميل اغلى من التشوكليت قولتله طب مانا كنت طالبة لون تشوكليت اصلا مش فاتح بس مأخدتش منه حق والا باطل ودفعت زي الحمار وقعدت يومين قرفانة من اللون وحاسة اني بوظت شعري، عاملي لون حزلقوم وبيقنعني انه شبه لون شعر نيللي كريم، وروحتله فعلا وقعد يقنعني تاني مغمقش، بس انا مكونتش رايحة عشان اغمق والا انيل حاجة انا من التوتر والقلق وانعدام الثقة في المكان واصلا خطوبتي كمان كام يوم روحت قولتله رجعلي لون شعري زي ما كان مش عايزة حاجة اكتر من كدا والا افتكاسات والا بتنجان، شعري اسود على بني ف عادي سهل، غمقه فعلا بس مرجعش زي شعري بالظبط اكيد بس مش مشكلة الحمد لله
، اللي يغيظ انه قالي في الاخر عملتهولك غامق اهو زي ما كنتي عايزة في الاول، طب ما انت عارف طب بتعمل ليه فاتح والا عشان تاخد مني مبلغ اكبر وخلاص؟
اه الصبغة مش مضمونة بس ليه يقولي وانا بحاسب هتدفعي كذا عشان عملتي لون فاتح
ياسيدي انا مطلبتوش
ومعرفتش اتخانق في الموقف ومكانش فيه شبكة في المكان عشان اوريله الشات اللي فيه الاسعار اللي انا جاية على اساسها
شعري دلوقتي كويس بس مغيرتش فيه حاجة وحرفيا دفعت فلوس عشان والا حاجة بل ساعات بحس شعري فيه ضي من اللون اللي كان عامله في الاول اللي هو لون بارد وميليقش على بشرتي وانا عايزة لون دافي من البداية، يمكن تكون تجربتي فردية بس حاسة اني اتضحك عليا عموما

بسم الله ماشاء الله المكان تحفه وكل الناس ذوق عملت تريتمينت تحفه غيرى شعرى جدا
والماتريال تحفه مكان يستاهل 10 من 10 بأمانه