كبدة أولاد الفلاح

هو كدا كدا لازم تروحه لما تكون في إسكندرية حتى لو مش بتحب الكبده. هتروحه علشان ترجع تقول لصحابك انك روحته ودا إنجاز كبير و كل سنة و انتم طيبين

بصراحة دي كانت تجربتي في أولاد الفلاح، وحابب أقول رأيي بكل أمانة. المكان بالنسبة لي ميستاهلش الضجة الكبيرة والبروباجندا اللي معمولة حواليه. الأجواء شعبية جدًا ومش أنضف أو أريح مكان ممكن تقعد فيه.

بالنسبة للأكل، جربت الكبدة وكانت عادية جدًا، وممكن أقول إنها ماكنتش على المستوى المتوقع. الملح كان زيادة شوية وطعم الكبدة نفسه مش واضح زي ما كنت مستني. طبعًا ده مجرد رأي شخصي وتجربة حصلت معايا، ومش تقليل من المكان أو الناس اللي بتحبه.

عن نفسي التجربة مش حاسس إني ممكن أكررها، وحاسس إن في أماكن كتير بتقدم كبدة بطعم أحسن. وفي الآخر كل واحد ليه ذوقه وتجربته.

مهما حاولت محلات تانية تقلدهم هيفضلوا دايما رقم واحد واصل الكبدة في اسكندرية ، مينفعش تروح محطة الرمل ومتاكلش من عندهم وتستمتع بالاجواء والطعم ولازم تقوم شبعان من عندهم لحد اخر اليوم ، وتعامل محترم من الاصطاف برغم الزحمة ، نفسي بس يزودوا في المنيو عندهم سلطة طحينة عشان هتفرق اوي في الطعم ، وياريت يهتموا باضافتها كصنف من الطلبات