المستشفى الألماني، الإسكندرية

مستشفي نتنه ومعفنه و قذرة دي شويه عليكو كمان مش عارفه ازاي دي مستشفي خاصه العيان بيقعد مكان العيان في سرير الطواري من غير ما يغيرو مكانه المستشفي مليانه دبان وحشرات ومفيش تكييف والمراوح بايظه ومش بتلف والتمريض والدكاتره خارجين عرقانين ومتبهدلين من الجو اللي قاعدين فيه دي مستشفي تحت بير السلم حرفيا ربنا ما يحوج حد ولا يحوجنا لطبيب ولا مداوي ولا مستشفي وحسبي الله ونعم الوكيل

من اسوأ مستشفيات الطوارئ في اسكندريه الكرو شباب صغير بيجرب غير مدرك البروتوكلات والخطوات العلاج الصحيحه اه ينفعوا الحاجات البسيطه لكن نصيحة لو حاله محتاجه تدخل محترف فهما للاسف غير محترفين ومش قصدي الحالات الميئوس منها
الأولوية دائمًا تكون لإنقاذ حياة المريض مش اجراء تشخيص في البداية وهما عملوا العكس وحصل قصادى نزلوا حاله قدام عيني ابن داخل باابوه داخلين الابن بيقولهم الوالد مريض قلب وعضله القلب ضعيفه ومش عارف ياخد نفسه واحتمال ميه علي الرئه يقوموا ينزلوا الحاله تعمل اشعه علشان شاكين كورونا فكانت النتيجه وفاه الحاله وهى خارجه وعينه قلبت لفوق ورغم محاولتهم بعد كده لانعاش الحاله لكن قضاء الله بقي فحتى لو قلنا ان خبرتهم صفر بعد محاولات الانعاش سامعهم بيضحكوا وانا واقف بره والابن علي اعصابه
يعني لا خبره ولا كياسه منتهى الاستخفاف