المستشفى الكندي البيطري CVH المستشفى الكندي

ناس محترمة جدا جدا جدا اتعاملت معاهم في حالة القط بتاعي ودكتور سلوى اهتمت بحالته جدا هي والدكاترة معاها ربنا يباركلهم والحمدلله القط بقى كويس وحالته احسن وكل الفترة من بعد الكشف كان في متابعة شبه يومية
حقيقي ربنا يباركلهم ويجلعه في ميزان حسناتهم

ماشاء الله عليكم فالمتابعة والادوية، رد 24 ساعة ومتابعة دايما بعد العملية لغاية ما بقيت كويسة تماما، انا كنت قلقانة جدا عليها عشان بحبها جدا بس هما مكنوش بيضايقوا وكل يوم يطمنونى وشغلهم نضيف جدا لا باين خياطة ولا اى تأثير جانبى حصل كذلك وبجد بشكر دكتور سلوى على كل مجهودها الرائع بجد جزاكى الله كل خير 🤍🤍🤍

قطي تعب جامد بيرجع واسهال ودايخ خالص وكان بسبب ڤايرس خطير كان ممكن يروح فيها بس الحمد لله الدكاتره عرفو يشخصوه صح عشان يلحقوه تعبو جامد معايا ومع توتي بس كان اهم حاجة عندهم انو يخف ويرجع كويس وتابعو حالته لحظة بلحظة، وكانوا صبورين جدًا وهما بيشرحولي إزاي أديه أدويته وأركب له المحلول. ولما مقدرتش أتابع لوحدي، استضافوه يوم كامل ورجعلي بصحته ونشاطه، وكأنه عمره ما تعب.
العيادة دي متابعين قطي من وهو صغير، ودائمًا بيتعاملوا معاه بكل حب واهتمام كأنه القط بتاعهم
شكرًا لكل دكاتره العيادة دي اتعاملت معاهم كلهم تقريبا ،فعلًا أنقذوه شكرا على اهتمامكم بتوتي💕