محدّث

كنت بشتري كارت ٥٠٧٠ ومعاه ماذربورد يوم الخميس (الساعة ٤ العصر)، كنت متردد ف الاول لاني هدفع 46 الف، بس قولت عادي نتوكل على الله وقلي هيتشحن يوم الاحد، كنت فاكر ان الmotherboard بتشيل DDR4 و DDR5 وهما مكانوش كاتبين ف البوست وديه اعتقد غلطة مشتركة

كلمته يوم الجمعة (الساعة ١ الفجر يعني حرفيا بعد الرسالة بتاعة يوم الخميس ببتاع ٨ ساعات) بعد ماصاحبي قالي انها مش بتشيل الاتنين، ف كلمتهم قولتلهم اني كنت فاكرها بتشيل الاتنين بس طلعت بتشيل 5 وبعدين كتر خيره قالي انا ممكن يكون عندي 4 قولتله لا خلاص انا هكنسل الاوردر ومش عارف ايه والحوار خلاص قولت مش مشكلة طالما هو لسه مشحنوش حتى

الجمعة هما اجازة ف كلمني السبت، استاذ من عندهم كلمني، قالي مصطفى معايا قولتله مع حضرتك، قالي انا من الشركة ومش عارف ايه بتواصل معاك بخصوص الاوردر، قولتله انا كنت عايز اكنسله لان حصل عندي change of plans يعني ومحتاج الفلوس وعادي يعني الكارت لسه متحشنش، لاقيته بقى بيتكلم بأكثر طريقة بجحة انا شوفتها في حياتي، وانا كنت فاكر ان خدمة سيجما سيئة (في بعض الفروع)، بس اثبتولي العكس، بيقولي انت المفروض تكون متأكد قبل متشتري حاجة يإما متشتريش، احنا بنتواصل معاك من الواتس وده مجهود (مش فاهم ايه المجهود ف كده وده حرفيا خدمة انت بتقدمها، شايف انها تقيلة عليك اوي متقدمهاش) بيقولي احنا غلفنا الكارت ومش عارف ايه (بكام التغليف يعني ب ١٠ جنيه ولا ايه مش فاهم) وبيقولي قعدت تحور ع الواتس وتقولي الماذربورد ومش عارف ايه مع انك ممكن تقولي كانسل الاوردر، وده حرفيا الي حصل وانا قولتله كانسل، بس هو تقربيا اكتشف بمهارة من الكلام بتاعي اني عايز اكنسل، لدرجة اني قولتله لو في فلوس انت اتضريت فيها انا عادي ممكن اشيلها، وده اكراما مني، انا مش مطالب مني اشيل اي حاجة طالما لسه متشحنتش

ديه مش تجربة شراء، ديه تجربة تعامل، واقدر اقول ان الشخص الي كلمني ميعرفش اي حاجة عن الاحترافية، وانا عادي كان ممكن اهزقه لان طريقة الكلام ونبرة صوته هو تقريبا كان عايز يتشاكل مش يبيع.

بعد 4 ايام، عملوا تحويل بنكي والفلوس رجعت

احسن معاملة واحسن ناس ممكن تتعامل معاهم بصراحة غير انهم عندهم كل حاجة ممكن تلاقيها تخص pc بسم الله ماشاء الله بجد ربنا يوفقهم

مكان ممتاااااز وناس محترمة ولكن مبيعرفوش يحسبون كان الحساب بعشرة حسبوه ب11 😀😀😀😀
الناس ومزاجهم على حسب ممكن تلاقي كدة وكدة