مفتوح
مقهى جاردينيا
- 1 أكتوبر، 2026
- +20 10 90100041
- 49 المحور المركزي، أول 6 أكتوبر، محافظة الجيزة 3232126
أطيب شامي 2
العنوان
شارع معهد الفنون التطبيقية، السادس من أكتوبر الأول، محافظة الجيزة 3232643
الوصف
مطعم سوري، مطعم
الأتصال
الهاتف
العنوان
شارع معهد الفنون التطبيقية، السادس من أكتوبر الأول، محافظة الجيزة 3232643
التقيمات
سجّل الدخول لكتابة تقييمك
Anas El-Hezzawy
تجربة سيئة جداً وتعامُل غير احترافي بالمرة من صاحب/مدير المطعم.
الطلب نزل غلط ومخالف للطلب، وبدل ما يتم تصليح الخطأ باعتذار، كان فيه جدال وطريقة تعامل عصيبة وغير لائقة مع الزبون.
وللعلم مش اول خطأ في الاوردرات لكن مقبوله، الغير مقبول طريقه تعامل مدير وصاحب المكان م. احمد.
فطلبت قيمه الفاتوره وتركت الساندوتشات مع اني عميل دائم أسبوعيا اتعامل معهم
والاسوء من كده، لما ابني نسي موبايله في المحل وبعد ما روحت اتصلت عشان أبعت سائق (أوبر) يستلمه، صاحب المحل رفض تماماً يسلّمه للمندوب واشترط إنه ياخد 120 جنيه بدون أي وجه حق علشان يرجع الموبايل!
استغلال واضح وطريقة إدارة تفتقر لأبسط قواعد الاحترام وخدمة العملاء. لا أنصح بالتعامل معهم إطلاقاً.
للاسف يسئ لاسم المطعم اطيب شامي ويسئ للاداره السابقه السوريه
AMR Mohamed
اولا الاسعار كويسه جدا و دى المره التانيه و السندويتشات كويسه و حجمها كبير و يشبع وخاصه الفرنساوى و لكن المره الاولى انا جربت كذا نوع بيتزا العجينه مستويه كويس و الجبنه كويسه لكن الاضافات قليله جدا سواء خضار او لحوم يعنى ف كل شريحه يااما حته زيتونه او طماطم او فلفل ومش كلهم مع بعض على شريحه لا ده كل شريحه فيها حاجه واحده بس من اللى ذكرتها .. تلاقو كمان اللحوم مثلا قطعتين صغيرين بالعدد فى كل شريحه … كانت تجربه سيئه بالنسبة للبيتزا من عندهم لكن فيه مطعم افضل منه بكتير للبيتزا اسمه اهل الرايه فيه فرع فى شارع معهد الحصرى و فرع ف فاميلى مول انا رحت فرع فاميلى المطعم جامد جدا العجينه و الاضافات كتيره جدا وخاصه عنده بيتزا فراخ مكسيكي جامده وسعرها اعلى شويه.. لكن مطعم اطعم شامى ممكن اجرب الفراخ ممكن تبقى عنده افضل
يوميات عائله من الريف المصري
بكل أمانه أنا باكل منه من اول ما فتح في الحي الاول من 7سنوات واكثر لو أنا مش غلطان وطعم الشورما جدا كان جميل بس اتصدمت منها الطعم أتغير والنظافه سيئه والفراخ فيها ريحه ظفره برجاء الاهتمام وتدريب العمال الجدد احنا عارفين ان في ناس رجعت بلدهم بس لو هتستمرو ياريت يبقي الجوده والنظافه النظافه هي كانت سر نجاحكم بتوفيق للجميع
Emad Adnan
أطيب شامي ، اسم على مسمى فعلا . احلى وأطيب واطعم فرخة مشوية اكلتها في 25 . طرية جدا ، جوووسي. كان مع الاوردر أرز اصفر كتير ، بطاطس محمرة كتير، 2 تومية عبوة مربعة وسط بس كتير والله. وكام رغيف عيش لبناني .المخلل المعلب بصراحة مش بيتاكل ابدا. المخلل في عبوات مغلقة بشكل احترافي ، بس والله مش حلو ابدا .التكلفة مع التوصيل 380 ج تاريخ 9 يناير 2025. الدليفري اتأخر “سنة “صغيرة. الأخ السوري اللي على التلفون نكتة ، بقول له الدليفري اتأخر ، قال لي خد نمرته وكلمه !! قلت له كده الطريقة المصرية مش السورية. في مصر بس البائع او الموظف بيطلب من العميل انه هو اللي يتصل لو احتاج او كان في مشكلة . الوجبة كانت لشخصين علشان جوجل حاطط سؤال دفعت كام للفرد الواحد .
Esmail Ewida
“أطيب شامي” احسن شاورما سوري ف اكتوبر
و اللي هيقولي اي مكان تاني ييجي يعاركني
انا بهتم جدا بالاماكن اللي بتحقق المعادله اللي انا بحبها بتاعت السعر و الكميه و الطعم
فراخ چوسي بنسبه لطيفه جدا و شامة النار فا في طعم اللسع فيها بردو و دا انا بحبه
تتبيله متوازنه من البهارات و الحبهان اللي بيكون سر الشاورما السوري
انا بروح هناك لما الشاورما توحشني و ابقى عايز اكل شاورما و اتبسط و محسش انني متكروت
فنفس الوقت مدفعش كتير بس اكل كتير عادي
المحل نفسه مساحته مستغله اغلبها كمطبخ لانهم بيعملوا حجات كتير و عندهم جزء جزاره و جزء معجنات ف الدنيا مش صغيره لكن فنفس الوقت يعتبر مفيش قعده خاصه للمحل
هم كام كرسي و كام ترابيزه جنبه برا كدا وخلاص انا عامة بفضل اخد الاكل و امشي
البوكس العظيم دا اسمه “وجبه شاورما عربي دبل”
مكونه من ساندوتشين شاورما متقطعين و محطوطين ف البوكس اللي مفروش بكميه هايله من الفرايز السخنه
و في كورنر كدا فيه مخلل و فلفل و طماطم و جزر و كدا اكنها سلطه يعني بس طرنشات
المهم ان حقيقي كمية البطاطس دي تبسطك و تدلعك و لو انت مش اكيل غالبا مش هتقدر تخلص الوجبه لوحدك
اما عن علبة الرز بلبن اللي ف الصور دي فا هو مش رز بلبن لا
دي توميه
التوميه عند اطيب شامي غريبه جدا عن اي مكان تاني
ريحتها مش نفاذه
مش بتسيب ريحه فيك لما تخلص اكل
طعمها كريمي جدا فا اعتقد مخلوطه بشئ من الجبنه و المايونيز تقريبا مش عارف بس انا بحبها جدا جدا
ساندوتشين و كمية فرايز محترمه و مخلل و خضار و علبة التوميه بـ٥٥ جنيه بس و حقيقي قليل عليها