إدارة الهجرة بالإسكندرية

انا اول مرة اروح مصلحة حكومية في حياتي وكنت خايف جدا من اللي بسمعه من تعقيدات ورخامة موظفين ولكن تجربتي كانت غير كده نهائي
يوم ٢٠/٦ انا استخرجت باسبور لاول مرة وبصراحه كل الموظفين اللي اتعاملت معاهم كانوا قمة الذوق والادب وكانوا صبورين معايا جدا لاني مش عارف الاجراءات واروح فين واجي منين ولو شافوني بعمل اجراءات غلط كانوا بيصلحولي بكل صبر
الاجراءات كلها كانت سلسلة وسهلة وخلصت بسرعة جدا في خلال ٤٠ د اعتقد

خلصت بسرعة و الدفع بالكارت او كاش لكن التصوير الفوري وتصوير الورق استغلاليين اوي

الحمد لله استلمت انهارده الجواز “المستعجل” اللي تمنه ١٦٥٠ جنيه بعد تلت مشواير للجوازات ومشوار لمديريه الأمن القديمه بدون اي داعي ومشوارين لمركز خدمات اسبورتنج وتصوير فوري مش مقبول عشان اللحيه وتصوير فوري جديد من غير لحيه والتعامل مع موظفين هدفهم التعسير على الخلق، ويا رب في المستقبل الإجراءات ترجع زي زمان لما كان تجديد جواز السفر موضوع بسيط بدون ذل بيتسلم في نفس يوم بليل من غير عذاب ومصاريف مبالغ فيها
ودلوقتي خلاص ممكن اربي دقني تاني زي ما يعجبني