إستيا لطب الأسنان

العياده راقيه والاجواء اللي داخل رهيبه زرعت عندهم ضرسين ولا حسيت ب اي حاجه وكمان كلشوي ب يتابعو معاك ويطمنوك وشكرا ل دكتور .نور وكمان كنت شاكي لدكتور حسن على حاجه بالعياده وعلطول سمعني واهتم وركز على المشكله وطمني عياده بقمه الرقي estia dental

اذا انت من السعودية او من خارج مصر وتفكر فالعيادة هذه فالبوست هذا لك.. (كتبته بالعربي لان ماشالله كلهم كاتبين انجليزي)

* حالتي باختصاري هيا خراريج في كل الاسنان (١٨ سن) بسبب تركيبات سابقة غير مغلقه باحكام + التهابات لثوية + اهمال طويل + عضة فك غير متناسقة + فقدان ضروس، راجعت دكاترة كثير فالسعودية فقط كشفيات لتشخيص حالتي والتكلفة كانت ٣-٤ اضعاف مصر، وكل شخص كان يعطيني حلول مختلفه (الاغلب خلع كل الاسنان وزراعات اول اون فور) الين لقيت كذا دكتور اتفقو على علاج الاعصاب وعمل زرعات وتركيبات..

* وبعد بحث طويل مادري كيف وصلت للعيادة هذه وربي سخرلي الدكتور حسن وقررت ارسله الاشعه اشوف تشخيصه، ولقيته نفس التشخيص، فقررت اروح اكشف وتوكلت على الله وحجزت اول مره ٤ ايام الى مصر، بعد ماشافني الدكتور واتطلع على اشعة البانوراما قرر الخطة (فك التركيبات كلها + اعادة عصب لكل الاسنان + تدعيم الاسنان الضعيفة ببوست فايبر وازالة الميتال القديم + قص لثه بالليزر + نحت عظام الفك وتشكيل اللثه على الاسنان + زراعات للضروس فورية)

* وبدينا شغل يوميا ارحلو لمدة ٣-٤ ساعات ف ٤ ايام وحطلي تركيبات مؤقتة للفكين كاملة من المعمل تتحمل انتظار طويل وشكلها مقبول جداً ورجعت على السعودية الين تتعافى اللثه والزرعات تمسك كويس.

* وبعد ٥ شهور ارسلتله اشعة بانوراما ورجعت للزيارة الثانية يومين (هنا عمل تنظيفات عميقة وتشكيل الاسنان وتركيب مسامير الزرعات واستخدم الخيوط اللثوية واخذ حول ٣ قياسات وحطلي تركيبات فورية) واتفقنا على نوع الزرعة (زيركون ولونها ابيض من الطبيعي بدرجة) ورجعت ثاني

* وبعدها باسبوعين جيت مصر اخر زيارة ال٣، رحت فيها ٣ ايام، كانت التركيبات جاهزة وركبها وتاكد من القفلة تبعها وبعدها بيومين زيارة كمان للتاكيد على العضة وشوية تعديلات على الاطباق

– ملاحظات:
١- الشغل اللي سويته ف ٣ زيارات (٧ ايام توتال) المفروض يسير في سنة الى سنتين حرفياً وذا شي صعب عليا بحكم الوقت والعمل والخ

٢- الاسعار فالعيادة ماقدر اذكرها لنو متغيرة لكن لو انت من السعودية ف اقسم السعر على ٣ او ٤ هذا الاغلب، لعلها فالرينج العالي بالنسبة للاسعار فمصر + الدكتور متمكن ماشاءالله بطريقة رهيبة، قلبه ميت ويعرف ايش بيسوي لذلك بحكم ان حالتي معقدة جداً وفكين كاملة وتحتاج خبره طلبته ان هوى يشتغل بالكامل قدر الامكان، ولو ان التيم اللي معاه ايضاً بطل!

٣- لو عندك استفسارات، متردد، متخوف، تبا تغير شي، تبا تفهم، اسال الدكتور ولا تسكت ورح يجاوبك على كل شي، الدكتور متعاون ومتفهم

٤- اعطاني رقمه من اول يوم وعلى تواصل وتنسيق معاه ومع العيادة للمواعيد والزيارات واي اشياء اباها + بحكم انو يشتغل ٤ ساعات فنفس الجلسة كل شوية تلاقيه يسال ويتطمن (انت كويس؟ فيك الم؟ اعطيك مسكن؟ تبا تريح شوية؟)

٥- الرحلة العلاجية هذه ماكانت سهلة بالنسبالنا لا انا ولا الدكتور بحكم ضغط الشغل فوقت قصير لظروف عملي وتنقلي بين الدولتين والم العلاجات لكن الحمدلله تيسرت

٦- اخيراً ماقول الا انو ربي بياركله فرزقه ويجزاه كل خير، كنت اعاني فالاكل ماقدر اكل وكمية الالام اللي كل شوية، والمنظر فالصورة لحاله يفرق ولو ان الصور ماهي مبينة سوى ٥٠٪؜ حتى.

افضل عيادة اسنان جربتها في حياتي من كل النواحي نظافة وتعقيم واستقبال وترحيب 💯

حتى كانت عندي مشكله في الدفع لان البنك مسوي بلوك لبطاقتي وكانو في قمه الرقي والاحترام الى ان انحلت مشكلتي ودفعت المبلغ

بتكلم عن تجربتي مع دكتور حسن دياب في تغيير ابتسامتي كلياً وعمل هوليود سمايل

اخترت الدكتور بعد بحث مطول لأكثر من شهرين بين دكاتره في السعوديه والكويت ومصر واخترته والحمدلله كان اختيار موفق 💯

الدكتور فاهم شغله وعارف هو وش يسوي بالضبط ودارس تماماً الحاله ومتجاوب ويحاول يفهم وجهة نظري ويشتغل بأمانه واخلاص ومتمكن جداً جداً جداً والأهم من هذا كله انه يعطي الحاله حقها كامل ويجلس يشتغل في الاسنان بالساعات وحتى داوم هو وفريقه يوم الجمعه الصباح عشان رحلتنا كانت بدري

اما عن الابتسامه حرفيا الدكتور رسم الابتسامه بشكل مبهر وانثوي وشكل الاسنان صارت حلوه مع الابتسامه حتى اختيار اللون الدكتور اختار لون طبيعي مو مبين اني مسويه هوليود سمايل مو الابيض الناصع وكتبت تجربتي بعد اسبوع من التركيب حرفياً مافي أي رائحه كريهة بالاسنان الشغل نظيف بداية من تحضير الاسنان الى التركيب ومافي أي الم الحمدلله