الحصان الأسود أليكس برانش

📢 شكوى رسمية بخصوص جهة تدريب وهمية تُعرف باسم “مبادرة شبابنا” وتشترك مع مكان يُدعى Black Horse Courses

أنا أحد ضحايا ما يُسمى بـ”مبادرة شبابنا”، حيث تم التواصل معي بخصوص منحة إنجليزي مزعومة، وطُلب مني تحويل مبلغ 200 جنيه عبر فودافون كاش كشرط للحضور، مع وعود بأن المنحة ستبدأ في اليوم التالي بمكان اسمه Black Horse Alex Branch.
لكن بعد الدفع، لم يتم التواصل معي مطلقًا، ولا الرد على أي اتصال أو رسالة، رغم إني تواصلت بأرقام مختلفة وبلغتهم أكثر من مرة.

الأدهى من ذلك أن:

المكان اللي بعتوهولي غير العنوان الرسمي الموجود على جوجل، ومتعمدين يبعدوه شوية علشان مقراش الريفيوهات الكارثية اللي عليه.

لما بحثت، لقيت العشرات من الضحايا كاتبين نفس التجربة بالتفصيل: بياخدوا منهم مبالغ كبيرة (بتوصل لأكثر من 10,000 جنيه أحيانًا) مقابل كورسات وهمية، وبعد الدفع مفيش التزام، ولا رد، ولا احترام.

ناس كتير اشتكوا إنهم لا بيردوا بالذوق ولا بيرجعوا الفلوس بالقانون، وبيتجاهلوا أي مطالبة بحقوق العملاء.

أي حد بيشتكي أو يطلب فلوسه بيسحبوه في دوامة تسويف متعمدة، ومحدش بيرد، لحد ما يزهق ويتساب كأنه ولا ليه حق!

أطالب باسترداد المبلغ فورًا، واتخاذ إجراء عاجل ضد هذه الجهة النصابة، وإنقاذ الناس اللي لسه ممكن تدفع لهم مبالغ أكبر وتتعرض لنفس الاحتيال.

أنا واثقة في استجابة جهاز حماية المستهلك السريعة، لأن ده دوركم اللي دايمًا بتقوموا بيه لحماية الناس من الاستغلال.

وشكرًا لحسن تعاونكم.

الكورسات تتبع لوزارة التضامن الاجتماعي ،وباسعار رمزية جدا ،بس شبكة النت ضعيفه ،لاستخدام مجموعه كامله علي النت ،والشهادة ب٥٠ جنيه وليست اختيارية
وفيه ايجار للقاعه١٠ ج للساعه ،يعني الكورس ٣ ساعات يجب دفع ٣٠ ج ايجار قاعه كل مرة 😟