بيكو للحيوانات الأليفة

عمري ما كنت متخيلة إني أكتب ريفيو بالشكل ده، لكن بجد لازم أحذر أي حد بيفكر يتعامل مع المكان ده.

أنا كنت موجودة مع كلبتي يوم الاثنين 11/5 ومسبتهاش لحظة، وكلبتي أصلًا ما كانتش رايحة تعمل جروومنج كامل ولا حلاقة. هي كانت رايحة تاخد شاور وتسليك شعر فقط. حاجة بسيطة جدًا ومفروض تكون آمنة وروتينية.

لكن اللي حصل كان صدمة. دخلت كلبتي كويسة مفهاش جرح ولا خربوش وخرجت بجروح وتعويرات واحمرار وتهيج في أكتر من مكان في جسمها. مش مجرد تهيج بسيط بعد الشاور، دي إصابات واضحة جدًا.

ولما ودّيتها للدكتور، أول ما شاف جلدها وشكل الجروح عرف تقريبًا نوع الأداة اللي اتستخدمت من شكل الإصابات نفسها، وقال إن النوع ده من الأمشاط مش أي حد ينفع يستخدمه لأنه محتاج خبرة وطريقة صح جدًا في التعامل، ولو اتستخدم بشكل غلط ممكن يسبب أذى حقيقي للجلد… وده للأسف اللي حصل.

في الأول حاولت أقول يمكن غلطة واردة، لكن بعد كده عرفت إن في حالتين تانيين تقريبًا حصل لهم نفس المشكلة في نفس الفتره ، وده خلاني أقلق جدًا من طريقة التعامل ومستوى النظافة وتعقيم الأدوات.

دلوقتي كلبتي بتتعالج، وفي كشف وأدوية وعلاج وتكلفة إضافية بسبب حاجة كانت داخلة تعملها بشكل بسيط وآمن. والأصعب إن حتى ماكانش فيه محاولة حقيقية لتحمل مسؤولية اللي حصل أو إصلاح الغلط.

الفلوس تتعوض، لكن منظر كلبتك وهي متأذية قدامك بسبب خطأ كان ممكن يتفادى، وجعه صعب جدًا.

بكتب ده كتحذير لأي حد قبل ما يكرر نفس التجربة

احسن مكان تودو فيه الكلاب بتاعتكو بجد ناس فاهمه يعني ايه تعامل مع الكلاب ♥️♥️♥️

مكان جميل جدا وتعامل ذوق احسن اختيار ممكن اي حد يختاره كنوزة بترجع مبسوطة جدا وحاجة اخر ذوق في التعامل ومكنتش اتخيل كلبتي حد يعرف يسيطر عليها بجد ربنا يوفقكم ميرسي جدا♥️🌹