تريسيندا – ( بلوبيري )

المكان تحفة بجد ياجماعه انصح الكل بيه وخصوصا اللي عنده اطفال

كل سنة بنطلع رحلات لبلوبيري وكل سنة بتكون أفضل من اللي قبلها، المكان نظيف والخدمة ممتازة وبرنامج الحفلة جميل والأكل ممتاز👌❤️
طاقم العمل كله ممتاز وأخص بالشكر والتقدير أستاذة أمل في خدمة العملاء كانت على تواصل ممتاز أثناء الحجز لحد وصولنا وأستاذ على وأستاذ إبراهيم كانوا متعاونين جدا في أي طلب خلال اليوم ❤️❤️

بصراحه ناس محترمه جدا
وخدمة عشره على عشره
والاولا اتبسطو
وكان يوم جميل جدا جدا
اول ما تدخل كده تلاقي
واحد لابس شخصيه كرتون علشان يقابل الاولاد ويبسطهم
واول ما تقعد كده على ترابيزتك وترتاح تلاقي الراجل الطيب داخل عليك بالتمر الساقع الجميل وعشر دقايق وينزلك الفطير والعسل والجبنة
وانزل بقي الميه كانت نضيفه وديما كانو مهتمين بمتابعة نظافتها
والناس اللى زى العسل اللى لابسه شخصيات كرتونيه بيلفو المكان كله ويهزرو مع كل طفل ويرقصون معاه ويتصور معاه
ووقت الغدا الساعه ٣ ظبطو الميه تانى وشالو اى شوائب واتغدينا والاكل كان جميل ونزلنا الميه تانى بقى
وبيعدو عليك ناس يسألون عن رايك وعن اى حاجه محتاجلها
بصراحه ناس زوق الزوق