جولات أتوري

من افضل شركات السياحة اللي اتعملت معاهم و بذات في برنامج الحج ممتازين جدا من تنظيم لترتيب لاشراف
كل سنه افضل من اللي قبلها عندهم عن تجربه طلعت معاهم في ٢٠٢٠ و ٢٠٢٦ كان التطور عندهم رهيب
فعلا ٢٠٢٦ من افضل سنين الحج معاهم
شكرا للعاملين علي شركه اتوري

ربنا سبحانه وتعالي أنعم عليا بالحج هذا العام “٢٠٢٦”، وطلعت حج سياحي ٥ نجوم مع شركه اسمها “أتوري Atori Tours – اتورى تورز
ومن باب توعيه المقبلين علي الحج، باختصار هقول تجربتي مع الشركه التي لا أنصح علي الإطلاق الحج معاهم ، لأنهم لم يلتزموا بإتفاقهم معانا، ولم يقدموا أي اعتذار أو تعويض عن تقصيرهم كذلك :

* يوم عرفه وضعوا السيدات في خيمه تحتوي علي ١٢٠ حاجه ،الطبيعي في الاقتصادي يبقي العدد لا يتعدي ال ٦٠، فما بالك بالسياحي ، ومش بس كده التكييف من بدايه اليوم من الساعه ٩ صباحا وحتي المغرب كان عطلان واكتفوا فقط بتشغيل المراوح، درجه الحراره يومها كانت ٥٢ درجه !

*بعد مبيت في مزدلفه صحينا صلينا الفجر والمشرف اللي معانا قرر بدون استشاره او رجوع لينا اننا نمشي حتي مخيمات مني، لكن اللي حصل إننا مشينا حتي العزيزيه في مكه!
مشينا ١٨ كيلو متواصل، من الساعه ٤ ونص فجرا الي الساعه ١٠ صباحا، واحنا شايلين شنطنا اللي واخدينها معانا للمبيت في عرفه ومخيمات مني، بلا توقف وبلا مياه ، عدينا علي مني وروحنا رمينا جمرات العقبه الكبري ومنها لحي العزيزيه في مكه حيث يوجد الاتوبيس ….الغريب ان محدش بعد المشوار ده من الشركه الموقره قدم أي تفسير أو اعتذار عن اللي حصل مستغلين ضبط نفس الحجاج لعدم الخوض في لغو أو مشاحنه علشان الناس متخسرش حجها.

واحد من المرشدين بعد كده جه يهزر ويقول انتوا المجموعه المنكوبه!!! وطلب مندعيش عليهم المرشدين علشان ده سوء تنظيم من الشركه وده مش ذنبهم !!!

* اتقال ان هيبقي معانا ارشاد ديني طول فتره الحج ، خصوصا في عرفه ومخيمات مني ، لكن الواقع ان الشيوخ الأفاضل كانوا طول الوقت مع VIP
وده لأننا فقراء يادوب طالعين حج سياحي ٥ نجوم فمش من مستواهم اكيد يجوا يتمرمطوا معانا في المخيمات بتاعتنا !