حلويات أبواللبن حلويات أبو اللبن

جربت من عندهم:
-اليالانچي: طعمه حلو بس المطاعم اللبنانية زي عنب بتعمله اجمل بيكون طعم الحامضية فيه اوضح ودبس الرمان ظاهر اكتر وبتكون كمان فيه حبات رمان.
-حلاوة الجبن: طعمها كان لذيذ وقوامها جميل. لكن للأمانة محتاج اقارنها ببتاعت عبد الرحيم قويدر مثلا عشان يكون حكمي عليها افضل.
-الكنافة النابلسية: ودي اكتر حاجة انا جربتها من عند السوريين وللامانة اللي دقتها من عندهم لا امت ليها بصلة. الكنافة محمصة بزيادة لدرجة انه لونها غامق. وطعم الجبنة اللي فيها كان فيه نكهة ريكفورد فكانت ظاهرة وماثرة على الطعم الاجمالي.

فمش هو المكان اللي تبقى زبونه على الاقل في الحاجات اللي انا ذكرتها. يعني مقدرش اقول اني متطلع لتجربة الحاجات دي تاني من عنده او اي حاجة تاني للامانة لانه في اللي جربته كفاية للحكم على المستوى الاجمالي اللي هو مش وحش بس في نفس الوقت انت مبتدفعش المبالغ دي عشان تدوق حاجات ‘مش وحشة’

حلويات ابو اللبن من محلات الحلويات حديثة العهد بمصر و تمتد اصولها الي عام ١٨٩٢ بسوريا و تم افتتاح حالياً ٤ فروع بمصر متوزعين في مدينة نصر و الدقي و زهراء المعادي و العبور
تمتاز محلات ابو اللبن بتنوع الاقسام ما بين الشرقي و الغربي و الايس كريم و البيتي فور و البيكري ( المخبوزات) بالاضافة لوجود كافيه
مكان جميل و انصح الجميع بتجربته و العاملين و مديرين الفروع جميعهم ودودين و مرحبين بجميع الزوار
ان شاء الله تجربة اي حد مش هتكون الاخيرة و لازم تحربه كتيير نظراً لتنوع المنتجات
الديكور من اكتر الحاجات اللي جذبت انتباهي نظراً للطابع الاوروبي في الديكور و اللي بيمتاز بالطابع الموديرن

حلاوياتهم الشرقية لذيذة جدا واسعارها ممتازة
جربت البسبوسة و الكنافة بصراحه ماذقت الذ واطعم من كذا في القاهره