دكتورة / آمنة محمد الشافعي ،، بكالوريوس طب وجراحة الفم والأسنان والوجه

عيادة زفت و تعامل بقلة زوق و لا تقدير و لا نظام و لا بيفهموا فى حاجه
كل اللى مكتوب عنهم دا كدب و مش حقيقي اقسم بالله، انا روحت بنفسى وشوفت المعامله لقتها زفت
و بمناسبة بوست الدمتوره المحترمه
البوست ده أكبر دليل على إن اللي بيكدب بيصدق كدبته! بتتكلموا عن النظام واحترام الأدوار؟ طب ما تحكوا للناس اللي حصل بجد بدل ما تقلبوا الترابيزة وتعيشوا دور الضحية!
​أنا وصلت العيادة قبل ميعادها (٧ إلا خمسة)، واستنيت دوري باحترام تام بعد ٤ حالات وبعد ما عدي ساعتين وربع.
ولما جه دوري اللي المفروض أدخل فيه، الدكتورة اللي بتتكلم عن ‘الاستحقاقية والأنانية’ قررت تضرب بالنظام اللي بتدعيه عرض الحائط، وتدخل حالة كشفت في الأول وكان المفروض تجيلها تاني يوم! ليه؟ عشان تعملها حشو عصب هياخد على الأقل نص ساعة وأكيد هيدفعلها أكتر، وتتجاهل دوري في كشف مش هياخد ٥ دقايق!
​ولما اعترضت، السكرتيرة نفسها اتبرت من الموقف وقالت إنها ملهاش ذنب وإن ده إصرار الدكتورة وتجاوزها هي للدور. الأنانية الحقيقية والاستحقاقية هي إن دكتور يفتكر إن وقت المرضى ووجعهم ملوش قيمة، وإن من حقه يلطعهم بالساعات عشان مصلحته المادية.
​بصفتي بدرس في المجال الطبي، عارفة كويس إن أبسط قواعد وأخلاقيات المهنة هي احترام المريض وتقدير ألمه، خصوصاً ألم الأسنان اللي مفيش فيه هزار، مش إننا نمشي العيادة بمبدأ ‘مين هيدفع أكتر دلوقتي يدخل الأول’.
​أنا استرديت فلوس الكشف ومشيت بكامل إرادتي، لأن المكان اللي مفيش فيه احترام لوقت المريض ولا تقدير لألمه ميشرفنيش أتعالج فيه. ياريت بدل ما تعملوا بوستات تلقيح تبرروا بيها فشلكم في الإدارة وجشعكم، تتعلموا الأول إزاي تحترموا شرف المهنة.”
رد مجمع لكل لجان التطبيل والشلة اللي ظهرت فجأة:
​أنا عاذراكم وعاذرة الدكتورة على الفرحة بالهيصة دي، ما هي الصفحة أصلاً مفيش أي بوست عليها بيجيب تعليق واحد ولا حد معبرها، فما صدقتوا لقيتوا فرصة تعملوا فيها تفاعل وتلمعوا بعض في التعليقات!
​الهجوم الشخصي ومحاولة الإساءة بكلمات زي ‘ناقص’ أو ‘حاقدين’ بيعكس بس مستواكم ومستوى المكان اللي بتستميتوا في الدفاع عنه. طبيعي إن الأصحاب والمعارف يدخلوا يرقعوا الموقف بعد ما الحقيقة اتكشفت، بس كلامكم الإنشائي ده مش هيغير واقع إن العيادة بتكسر النظام وتتجاهل دور المريض عشان الفلوس.
​افرحوا بشوية التفاعل دول واشبعوا بيهم، ووفروا مجهودكم في التبرير اللي ملوش لازمة.. الواقع بيوجع!