سامبا

مقهي جميل

كافيه ومطعم يتميز بالطابع الشرقى القديم والهدوء والاستمتاع بمشاهدة المباريات وسط اجواء رائعه تتميز بالبساطه والالفه .. يتميز بصور الفنانين على الخوائط مثل عبد الوهاب وليلى مراد وحسين صدقى ..يقدم الالعاب مثل الشطرنج والطاولة ودومينو واسعاره ممتازة وناس ذوق جدا

الأربع نجوم للخدمة و القائمين عليه ، ناس محترمة و في حالها و مش بترخم علي حد و لا بيتنحوا في حد و لطفا جدا و بروفيشنال و امناء .. يعني مرة نسيت جنيه على الترابيزة جم ادوهولي قبل ممشي ، و ناس ذوق بصراحة..
هو بيفتح الساعة حداشر الصبح ، ومعنديش فكرة بيقفل كام … و بيتكون من جزئين ، جزء برة في الهوا و فيه ترابيزات كتير ، و جزء جوا .. المميز في اللي جوا ان فيه فيّش فتقدر تشحن موبايلك .. الديكور جوا مش وحش معلقين صور بورتريهات لفنانين زي فيروز – الصورة المرفقة- و فريد الأطرش وهو شاب وهو كبير و شادية و نخبة من ألمع نجوم زمن الفن الجميل الف رحمة ونور عليهم .
كمان عندهم رف فيه كتب متنوعة في مجالات مختلفة مشوقة جدا زي :
– principles of mathematics
– بصراحة مع عبدالناصر لمحمد حسين هيكل وهو كتاب قديم
– و كتيبات مصطفي محمود
الاسعار كمان لطيفة جدا و في متناول الجميع