سكايبو

طعم الأكل كويس والاجواء جميلة بسبب البحر فقط
لكن انتظرنا اكتر من ساعة عشان الفطار ييجي .. وكمان وصلنا ناقص طبق من اللي طلبناه

ستاف الخدمة محتاج إعادة تأهيل والله للأسف ..
عندك عجز في الطباخين ومستخسر وجايب طباخ واحد للفطار يبقا متقدمش الخدمة من أساسها ومتعملش عروض .. معادلة بسيطة
حتى بعد الاكل احنا اللي نضفنا مكانا عشان نعرف نشرب القهوة

تحديث: بعد سنة من الزيارة الأولى، المكان بقى مزعج شوية، وكان فيه مهرجانات شغالة رغم إن الزيارة الأولى كان الذوق أحسن من كده بكتير، فللأسف تقييم المكان بقى أقل بالنسبة لي.

من أجمل الأماكن اللي جربتها الفترة الأخيرة، من حيث المكان والفيو الأكتر من رائع على بحر منطقة بحري، واللي تقدر تشوف فيها تقريباً كل غرب كورنيش إسكندرية.
الأكل كان كويس جداً من حيث الطعم، والخدمة محترمة وسريعة، يمكن الحاجات السلبية كانت بسيطة مابوظتش التجربة ككل، زي إن العصاير كانت تقريباً من غير سكر، والأغاني كانت عالية حاجة بسيطة، بس بإذن الله مش آخر تجربة، خصوصاً كمان وإن الأسعار في الرينج المعقول مقارنة بمطاعم تانية، وأتمنى يستمروا ويحافظوا على جودة الأكل والخدمة.

الاكل جميل اخدت كلوب ساندوتش فيه فراخ وتركي وشيدر جميل جدا انصح بيه .. الليمون نعناع متوسط .. الخدمة معقولة اتنين بس الي في الكافيه كله .. الفيو روعة بس المكان مغلق وفي شبابيك فهتحس انك محتاج هوا .. في مرجيحة لطيفة ممكن تتصور عليها او تتمرجح .. الحمام مشترك مع مطعم زفير هو نضيف بس قديم جدا محتاج يتجدد .. الاسعار لطيفة اقل من الاماكن الي في نفس مستواه