شركة دايكن لتكييف الهواء مصر ش.م.م.

ماركة دايكن كويسة ولها سمعتها خارج مصر، لكن للأسف في مصر التوكيل اقل في المستوى من شركات تانية كتير.
بناء على تجربة شراء خمس مكيفات دايكن من موزع معتمد، 2 منهم لسه فيهم مشاكل وتحتاج صيانة، للأسف الموزع المعتمد اللي اشتريت منه طلع غير مدرب بشكل احترافي ولما تم تصعيد المشكلة للوكيل لأن الموزع شركته اتقفلت، الوكيل اعتبر نفسه غير مسئول عن شغل الموزعين، وبعد تضييع وقت طويل وبعد التصعيد للمكتب الاقليمي في الشرق الأوسط قاموا بحل مشكلة مكيف واحد وكمان حاولوا يحصلوا رسوم صيانة بالرغم من ان الأجهزة تحت الضمان والتركيب تم عن طريق موزع معتمد لديهم وعلى صفحتهم. والمفاجأة المؤسفة ان المكيف اللي تم صيانته عن طريقهم رجعت فيه نفس المشكلة في الصيف اللي بعده، يعني مستوى الفنيين في التوكيل برضه مش افضل حاجة.

المشكلة التانية ان الفنيين في السوق المصري بيخافوا يعملوا صيانة لمكيفات دايكن بسبب نوعية الغاز R32

الخلاصة : الضمان عندهم مش افضل حاجة وزمن الاستجابة للمشاكل بطئ، وحل مشكلة اي مكيف ممكن تاخد منك وقت طويل جدا في المتابعة لدرجة تزهق، ودايما ح يحاولوا يدفعوك.
خليك في الشركات اللي بتقدم ضمان حقيقي وعندهم سرعة استجابة وصبر في حل المشاكل اللي تحتاج متابعة.