عيادة الاستلام البيطرية

بجد لا انصح بيهم ابدا منتهى قلة الذوق
كان عندي كلب خياطة عمليته اتفكت الساعة 4 الفجر مفيش حد فاتح
كلمتهم قلتلهم فاتحين؟ قالولي حسب الحالة الدكتور هينزل شرحت الوضع والنزيف عامل ازاي
قالي هو نوع الكلب ايه قلتله جريفون قالي ااااه وهو بقى عامل عملية ايه وبيتكلم ببرود جدا قلتله تعقيم
قالي طيب وعملاها فين
قلتله يفندم هتفرق فايه الكلب بيتصفى . قالي اصل عايز اشوف اللي عملها بيفهم ولا لا
بقوله طيب احنا الخياطة فكت والنزيف شغال وانا بكلمك ممكن اشرحلك لما اجي بس عايزة اعرف فيه دكتور متاح ولا لا
وانا فنص الجملة دي قفل فوشي وعملي بلوك
انا قلت اكيد الخط قطع كلمته اكتر من مرة مشغول
وخليت اخويا يكلمه من عنده اول ما فهم انه نفس الحالة قفل فوشه وعمل بلوك

انا لا كلمته بأسلوب وحش ولا قلتله أي حاجة وانا معرفش الكائن اللي كلمني ده الدكتور ولا الريسبشن بس حتى لو مش هيقبل الحالة كان ممكن يقول مش هقبلها انما اللي حصل ده قلة ذوق وقلة تربية ده غير انه بجد عرض حياة كلبي للخطر لأني قعدت احاول اكلمه ومستوعبتش طبعا انه قفل قاصد او عمل بلوك
الحمدلله عرفت بعد نص ساعة اوصل لمكان محترم ولحقت الكلب لكن ممكن غيري ميلحقش وبصراحة عمري ما هثق فمكان زي ده اذا كان ده تعاملهم مع الناس هيتعاملوا مع الحيوانات الضعيفة ازاي

عياده بشعه قطتي كانت تعبانه جدا دكتور كلمنا قال تعالو جينا من محرم بيه لحد لوران نتصل يرد بقله زوق ويكلم ولدتي ست كبيره بطريقه وحشه ويقولها عنوان غير العنوان ولما طلعت علي العنوان الي مكتوب علي جوجل ماب ونخبط مش عايز يفتح وناس بتقول مش بيفتح لاي حدمرضاش يستقبل روح كانت ممكن تموت حسبي الله ونعم الوكيل فيهم