عيادة التغيير للصحة النفسية

بناءً على تجربة أستمرت أكتر من سنة، وعلي تجارب سابقة مع عدد من المعالجين، العلاج مع دكتور هبة غير حالتي تغيير جذري وخلاني شخص أحسن بكتير من الأول بشكل ماكنتش متوقعه..

مبدئياً دكتور هبة مش بتمشي على طريقة أو أسلوب علاج واحد طول الوقت، هي بتستخدم كذا طريقة بشكل علمي على حسب مشاكل كل حالة، وبتركز على الطرق اللي بتكون مريحة وبتساعد الحالة إنها تتحسن..

دكتور هبة دايماً بتهتم بخصوصية الحالات وبتسمع المشاكل كويس بتفاصيلها، وبتدي فرصة للحالة تعبر عن نفسها بمنتهى الحرية أياً كانت المشكلة، غير إنها بتهتم جداً بالحالات اللي محتاجة متابعة ودعم، وبتعمل كل اللي تقدر عليه علشان تساعد الحالة تتحسن وتتعايش مع مشاكلها..

بشجع أي حد محتاج مساعدة في حياته عامةً أو في مشكلة معينة أنه يطلب مساعدتها. مش شرط يكون حالة مرضية أو حد عنده مشاكل مستمرة، بالعكس العلاج بيساعد حتى في حل المشاكل الطارئة والمؤقتة..

رغم إني أخدت خطوة العلاج متأخر، وكنت شايف إن مشاكلي مالهاش حل، فهمت بعد فترة إني كنت غلطان وإن العلاج فعلاً له تأثير مهم، وممكن يغير حاجات كتير الواحد كان حاسس انها مش هتتغير ابداً.