عيادة جوثين – المستوطنة الخامسة

من اسوء الاماكن الي ممكن تتعامل معاها ، مواعدهم وحشه جدا و لو عميل عنده مشكله ممكن يقعدوه اكتر من شهر من غير ما حد يكلمه و لا يحاول يحل مشكلته ، ناس فمنتهي قلة الزوق و مرجحهمش لحد تماما

خدمة سيئة جدًا، ودي أول مرة أكتب تقييم سلبي بعد أكتر من 11 سنة وأنا عميلة عندهم.
في آخر زيارة ليا اكتشفت إنهم ضيعوا الفايل بتاعي، مع إني كنت لسه مجددة باكيج بحوالي 10,000 جنيه. قبل ما أجدد سألت الريسبشنيست بنفسي عن موضوع انتهاء الباكيج، وشرحتلها إني عميلة بقالى 11 سنة، وإن مينفعش بعد كل السنين دي يطبق عليا موضوع الـ Expiry. وأكدتلي إن ده مش هيكون فيه أي مشكلة، وبناءً على كلامها جددت الباكيج.
لما روحت المعاد، فوجئت إنهم بيقولولي الفايل مش موجود، واضطريت أمشي وأسيب معادي. وقالولي هنكلمك بعد ما نراجع الموضوع، لكن محدش كلمني. ولما أنا اللي اتصلت بيهم، كان الرد بكل بساطة: “معلش، الفايل اترمى… أصل السيستم اتغير.”
بجد ده رد؟! يعني مفيش سيستم يحفظ بيانات العملاء؟ ينفع فايل عميلة بقالها 11 سنة يترمي بالشكل ده؟
اللي ضايقني أكتر من المشكلة نفسها هو طريقة التعامل وعدم الاهتمام، رغم إني عميلة لويال بقالى كل السنين دي.
وبصراحة، أنا كنت بروح المكان عشان متعودة عليه مش أكتر. لكن لو هنتكلم بموضوعية، لا فيه Waiting Area مريح، ولا فيه استقرار في الدكاترة، لأنهم بيتغيروا باستمرار، ولا الخدمة فيها أي ميزة عن أماكن تانية.
وفي التجمع فيه أماكن كتير أحسن من كده بكتير في الخدمة والاهتمام بالعميل.
الكلام ده عن فرع الرحاب.