عيادة غوزيل

مكان تحفه وجميل والدكتوره نجلاء اجمل م لاقيه كلام يوصفها بجد شكرا من قلبي ليها وشكرا ليكم ع اسلوبكم واستقبالكم العياده من احسن العيادات اللي روحتها اقسم بالله انا بشكركم من كل قلبي ♥♥♥♥🫂

المكان من أرقى وأجمل الكلينكات اللي بتعامل معها. الاستقبال راقي جدًا، والنظافة ممتازة، والوقت دايمًا مظبوط.
ودكتورة نجلاء بصراحة من أحنّ وأشطر الناس، شغلها دايمًا تحفة وباهتم بكل تفاصيل. تجربة رائعة وبنصح أي حد يجرب المكان. 🌸💗

تجربة سيئة جدًا في العيادة دي بسبب قلة الاحترافية وانعدام النظافة وعدم الاهتمام بصحة العملاء اول حاجة حجزوا لي في فرع ٦ أكتوبر وده غير اللي كنت طالبة من غير ما يتأكدوا وافترضوا إني أقصد فرع معين بدل الفرع اللي أنا كنت عايزاه (فرع الشيخ زايد ) لما كلمتهم عشان يصلحوا الخطأ قالوا هيحجزوا لنا الساعة ٢:٣٠ بدل الموعد الأول (الساعة ٢) لكن لما وصلنا في المعاد بالضبط اضطرينا نستنى ساعة ونص تقريبًا لأنهم حجزوا لأكتر من حد في نفس التوقيت المصيبة إن العيادة دي فيها دكتورة واحدة بس من غير أي مساعد والدكتورة كانت بتحاول تتابع مع حوالي ٦ عملاء في نفس الوقت فالتجربة كلها كانت عشوائية متسرعة وغير احترافية نهائيًا

أما بالنسبة لل dermaplaning فكانت تجربة خشنة جدًا ولا فيها أي نوع من العناية أو الاحترافية اللي جربتها في عيادات تانية كان المفروض تكون جلسة مريحة ولطيفة على البشرة لكن للأسف كان مجرد سحل حرفيًا ووجع على الفاضي لأن الوبر لسه موجود على وشنا يعني وجع من غير أي نتيجة

والمصيبة الأكبر أختي جالها حساسية شديدة في عيونها بعد جلسة البخار وبقت مش شايفة بوضوح ده غير مقبول تمامًا العيادة بتستخدم منتجات تجارية رخيصة جدًا ومستوى النظافة فيها سيئ للغاية الأدوات والمكان كانوا وسخين وحتى التانك بتاع جهاز البخار كان مقرف حرفيًا.

وكمان طريقة التعقيم عندهم إنهم يرشوا كحول على الأدوات ويمسحوها على طول وده مش تعقيم من الأساس مستوى الإهمال في المكان ده خطير جدًا على أي حد يروحله

وبالرغم من كل ده ماكانوش حتى قادرين يوفروا لأختي قطرة للعيون بعد ما حصل لها رد فعل سيئ من البخار اللي طالع من جهازهم المقرف

ولعلم حضارتكم كل العيادات التانية اللي سألناها كانت واضحة جدًا بخصوص مواعيدها واستعدادها لاستقبال العملاء قبل العيد وكان عندهم نظام واضح حتى الفرع التاني بتاعهم كان محترم ومنظم أكتر وإحنا شخصيًا جربنا عيادات تانية بخدمة وتنظيم أفضل ومعمرناش مرينا بالكارثة دي لا في العيد ولا في أي مناسبة تانية فبلاش ترموا اللوم على ظروف العيد لإن المشكلة فيكم مش في التوقيت

المكان ده خطر على صحة البشرة ومش آمن نهائيًا أنصح أي حد يتجنبه تمامًا