عيادة لها للجلدية والتخسيس والليزر

اتنصب عليا من العيادة دي

أنا عميلة ف Laha clinic بقالى سنين، وكنت من العملاء اللي بيثقوا في اشتريت Lazer package كبيرة جدًا بقيمة كبيرة، بإجمالي 5,000 pulse.

السبب الأساسي اللي خلاني أشتري Package كبيرة من البداية هو النظام اللي العيادة نفسها كانت بتتبعه وقت ما اشتركت؛ الـPackage الكبيرة مرنة ومش مرتبطة بمدة صلاحية (The packages had no expiration date)، وكنت أقدر أستخدم الـpulses والـsessions وقت ما أحتاج. وده أصلًا كان من المميزات اللي كانوا بيشجعوا العملاء بسببها إنهم يشتروا Packages أكبر ويكملوا معاهم.

بعد فترة قررت أروح اعمل الـRetouch من الـpulses المتبقية.

قبل ما أروح بيوم كامل، اتصلت بالعيادة بنفسي وأكدت الحجز، ووضحت إني عميلة وعندي ملف عندهم، وطلبت منهم يتأكدوا إن الـfile بتاعي موجود وجاهز عشان ماستناش فالريسبشن لما اوصل. واتأكدت منهم إن الحجز مؤكد وإن الدكتور موجودة وإن كل حاجة تمام.

روحت في اليوم المحدد، ووصلت العيادة وأنا متوقعة إني داخلة أستخدم حاجة أنا دافعة تمنها بالفعل.

وهنا كانت الصدمة.

في الاستقبال اتقال لي إن السيستم اتغير، وإن الـPackages بقت صلاحيتها من 3 لـ6 شهور، وإن بما إن الـPackage بتاعتي قديمة فهي انتهت، وبالتالي أنا ماليش أي pulses أو sessions متبقية عندهم، ولو عايزة أعمل session لازم أدفع فلوس جديدة.

مع ان ولا شخص واحد فيهم قال لي إن فيه System جديد أو إن الـPackage بتاعتي انتهت أو إن الـpulses بتاعتي ليها Expiry date في اي مكالمة سابقة.

لأ، أنا حضرت بنفسي، واتقال لي ببساطة إن الحاجة اللي أنا دافعة تمنها اتلغت، وإن لو عايزة أكمل أدفع من جديد.

حاولت أتكلم مع موظفة الاستقبال، وحاولت أوضح إن ده Package قديمة وإن أنا محدش بلغني بأي تغيير. واتكلمت مع صاحبة المكان كمان، وكان الرد في النهاية إن “السيستم اتغير”.

طيب السيستم اتغير، فين إخطار العملاء؟

ليه محدش اتصل بيا؟

ليه محدش بعت رسالة؟

ليه محدش قال لي إن قدامي مدة معينة أستخدم فيها الـpulses؟

وليه لما اتصلت بالعيادة قبلها بيوم فقط لتأكيد الحجز، محدش قال لي أي حاجة من دي؟

أنا مش بتكلم عن session واحدة ضاعت. أنا بتكلم عن آلاف الـpulses أنا دفعت فلوسهم بالفعل، وعن أكتر من session ليا عندكم، وفجأة يتم إبلاغي وأنا واقفة في الاستقبال إن كل ده “ماليش فيه حاجة” بسبب System اتغير من غير ما أعرف.

بصراحة، طريقة التعامل نفسها كانت قمة قلة الذوق وعدم الاحترام للعميل.

أنا عميلة بقالى سنين، دفعت مبالغ كبيرة في Packages عندكم، وجاية مخصوص للعيادة، ومؤكدة الحجز قبلها بيوم، وفي الآخر اتفاجئت بحاجة زي دي، يتم التعامل مع الموضوع وكأن وجودي وفلوسي والـPackage اللي اشتريتها مالهمش أي قيمة، وكأن الحل ببساطة هو “السيستم اتغير”.

تغيير الـSystem حقكم، لكن مش من حقكم تغيروا شروط حاجة أنا اشتريتها بالفعل وتعتبروا فلوسي وحقوقي انتهت من غير ما تبلغوني.

لو الـPackage الجديدة لها Expiry date، كان المفروض يتم إبلاغي بشكل واضح وفي وقت يسمح لي أتصرف باستخدام الـpulses دي!!

للأسف، بعد سنين من التعامل والثقة في المكان تجربة سيئة جدًا، والأكثر سوءًا منها هو أسلوب التعامل مع العميل لما حاولت أتكلم وأطالب بحاجة أنا بالفعل دفعت تمنها.