فندق جويل مطروح

بصراحه لو هقيم الفندق هديله 6,5 من 10 و هتكلم عن كل التفاصيل بكل امانة

الاوض تكيفاتها كويسة و النضافة مش بطالة لكن عمال النضافة محتاجين يهتموا اكتر من كده و للاسف لازم تدي تبس و تلح عشان ينضفوا الاوض و يغيروا المفارش

المطعم فيه دبان و دي مشكلة بصراحة يعني لازم يلاقوا ليها حل هما قالوا مش ذنبهم لكن طبعا ده مش منطقي في أوتيل المفروض كبير تبع القوات المسلحة

الاكل اصنافه محدودة نوع مكرونة واحد، نوع رز واحد و بطاطس و خضار متغيرة مش ثابتة و كان في يوم واحد كان فيه شوربة سي فود و نوع لحمة واحد و نوع فراخ و السلطات و المخلل كويسين جدا ، الحلويات قليلة ، المشروبات قليلة و العصير مية حرفياً و هو شاي بس مفيش نسكافيه و الفطار مفيش حد يعملك بيض اومليت و ده قمة الهبل بصراحة

البسين صغير جدا و منزلتوش ، البحر ناحية جويل بيتش و البحر جميل و الشاطئ كويس جدا

بشكل عام هو مش سئ هو فندق كويس لكن انا نزلت فندق في شرم الشيخ قبل كده 4 نجوم و بصراحة كان يعتبر هيلتون بالنسبة لجويل مطروح