فندق ريم

موقع الفندق حلو جدا عالبحر مباشرة و الخدمة ممتازة

موقع الفندق هو اميز حاجة فيه، الموقع رائع و الفيو حلو
اوي من الدور التالت.
كمان مستوي الاكل فيه حلو و الشيفات اكل لذيذ و تعاملهم جنتل.
بس الفندق نفسه فيه مشاكل كتير.
١. حجم الغرفة صغير اوي غير الصور و الحركة جوا الغرفة هتكون صعبة خصوصا لو اسرة صغيرة الي متوسطة.
٢. صغط المياه فالحمام و الشاور ضعيف اوي، و بصراحة دي نقطه مهمة اوي خصوصا للمسافرين بيحبوا ضغط المياه يكون قوي.
٣. خدمة العملاء و الريسبشن و الروم سيرفس مستواهم متوسط الي ضعيف و تايهين اغلب الوقت، محتاجين مستواهم يزيد و ادراكهم ووعيهم للتعامل مع الضيوف.
٤.فموقف بكلم الريسبشن و بقول الروم سيرفس مستوي النضافة بتاعهم وحش و انهم معملوش كذا و كذا يرد يقول و انت سبتهم ليه و المفروض اننا مهندس و فاهم، هو انا المفروض اشتغل مشرف علي العمالة اللي عندك ولا المفروض العمالة ال عندك تكون مؤهلة للتعامل و النضافة من غير كلام. و طبعا الموقف قفلني و ضايقني لما رديت عليه لاني جاي اتبسط مش جاي اتخانق
٥. مستوي الصيانة و التشغيل فالغرف متوسط الي ضعيف، يعني الالوميتال كان صعب اوي و التكييف فتالت يوم كان بيغرق الغرفة و بهدل الدنيا.
٦. ريموت التلفزيون و الريسيفر كان شغال بالعافية و مالوش غطي و شكله كان صعب اوي
.
كتجربة الحقيقه مش هتاكرر تاني اكيد لانها مش قيمة مقابل سعر ابدا.