فندق كليوباترا فاميلي ريزيدنس الاسكندرية (مصريون فقط)(للمصريين فقط)

كل شئ ممتاز و أكثر من رائع

جميل جدا و جميع الغرف بحر مباشر و احسن سعر في الاسكندرية و جنب كل حاجه مطاعم و كافيها و طاقم العمل محترم فوق الوصف

موقع الفندق مميز جدا والغرف علي البحر مباشرة اطلالة رائعة الغرف مجددة ومستوها جيد ولكن مش سوبر الاساس والعفش المجدد جيد ونظافة الغرف والحمام جيد ولكن ايضا مش مميز يعني هي اقامة جيدة ولكن مش مشجعة علي تكرار الزيارة والموظفين محترمين ومتافهمين واستقبالهم جيد ولكن غير محترفين
حصل موقفين في غاية الغرابة انا حاجز ليلتين لقيت عامل الغرف جاي بعد ما بيت ليلة ولسا ليلة يعني المفروض مغادرتي غدا صباحا فوجئت بالعامل جاي بيخبط وبيقول مغادرين انهاردة ان شاء الله ولا مكملين قلتلة هوا مين الي قالك ان احنا مغادرين انهاردة انا حاجزين ليلتين يعني مغادرتنا بكرة مش انهاردة ازاي في الاستقبال تحت مافهموكش او مش قايلينلك قالي طيب ثانية واحدة وكلمهم تحت في الاستقبال قالهم الاستاذ بيقول انة حاجز لحد بكرة قالولة اة تمام فاراح قالي تمام فدا موقف غريب عجيب اول مرة اشوفة في فندق ازاي مفيش تنسيق مابين الاستقبال والموظفين وازاي الموظف او عامل الفندق مايصدقش العميل هوا تصرف عفوي بس حد غيري كان ممكن يعمل مشكلة ويقلة يعتي انا هاضحك عليك بس انا تقبلت الامر بهدوء وكمان موقف تاني غريب او شفتة انا غريب ان الموظفة المختصة بالتنظيف قالتلي معلش لو عايزني حضرتك اروق الغرفة سبلي المفتاح وانا بعد ماخلص هايسيبة في الاستقبال تحت طيب ازاي موظف تنظيف الغرف ماعهوش سبير فادول الموققين الي خلاني اقول موظفين جيدين ولكن غير محترفين وزي ماقلت هي تجربة جيدة من حيث الموقع والاطلالة علي البحر
ولكن غير مشجعة علي تكرار التجربة