فندق هوستمارك بلو بيتش مرسى مطروح

المكان زرته الصيف الماضي ٢٠٢٥
التقييم كقيمة مقابل سعر هايل طبعاً.
كنت واخد غرفة على البحر ٥ ايام ٤ ليالي فطار فقط بتكلفة ٢٦ الف و ده اقل من اقل حاجة في الساحل كسعر.
اللي بيحب مطروح و بيعتبرها مصيف هيروح ينبسط. و اللي بيحب الهدوء و الراحة زي الساحل فحيقعد جوة الفندق و برضه ينبسط.
البوفيه عندهم ماقدرش اقيمه لأني ماكلتش منه غير الافطار فقط. و الغداء والعشاء كانوا برة الفندق بالنسبة لي.
الفندق فيه مشكلتين
١- الركنة: و اضطريت ادفع حوالي ٥٠٠ او ٦٠٠ جنيه (مش متذكر المبلغ تحديداً) في مدة اقامتي في جراج تبع شاليهات القوات المسلحة تقريباً طوال فترة اقامتي.
٢- الكهرباء كانت بتقطع على المنطقة كلها لمدة ساعة كل يوم بالليل و احياناً قليلة مابتقطعش. و الفندق مافيهوش مولد كهرباء. يا رب يكونوا اتصرفوا في الموضوع ده السنة دي.

غير كده البحر منتهى النظافة و خلاني اكسل اروح ام الرخم زي ما انا متعود.
الشاطئ مجاني للنزلاء و بيسلمك فوطة لكل فرد.
تجهيز الغرفة كويس و فيها سريرين صغيرين و كنبة كبيرة بتتفتح سرير.
في المجمل تجربة لطيفة تحب تكررها.

تجربتي في فندق في Hostmarkكانت للأسف سيئة جدًا ومحبطة.

أول يوم وصلت فيه الفندق، تعرضت لنزلة معوية شديدة بسبب الأكل. أنا كنت مسافر شغل، وبسبب الواقعة دي مقدرتش أنزل شغلي لمدة 3 أيام.

لما طلبت من الريسبشن يساعدوني ويجيبولي دواء، اتفاجئت إنهم طلبوا مني أدفع تكلفة تاكسي رغم إن الصيدلية قريبة جدًا من الفندق وعلى بعد خطوات!

حاولت أتصرف بشكل طبيعي وطلبت أكلم المدير (الأستاذ محمد)، لكن موظف الريسبشن (يوسف) رفض تمامًا يوصلني بيه في التليفون بحجة إنه “تعبان”، وده تصرف غير احترافي خالص.

كل اللي الفندق عمله إنهم بعتولي في الأوضة شوية كمون ولمون علشان أغليهم وأشربهم! وده طبعًا لا يعتبر أي نوع من الاهتمام أو التعامل الجاد مع حالة مرضية.

وكمان معايا فيديوهات وسكرين شوت موثقة لبعض المواقف دي.

بصراحة تجربة سيئة جدًا من حيث النظافة، جودة الأكل، ومستوى الخدمة. مش بنصح أي حد يكرر التجربة

الفندق جميل جدا والغرفه كانت جميله والموظفين بشوشين بجد بصراحه انبسطت