فيت اند فيكس مدينة نصر – فيت اند فيكس مدينة نصر

عن تجربه اسواء مكان ممكن تفكر تغير فيه كاوتش… كاوتش فرز تاني سعر مضاعف
خدمه عملاء من اسواء ما يكون

خدمه زي الزفت ومستني ٣ ساعات علشان اظبط زوايا بس وموظف الاستقبال بياخد رشاوي من الناس علشان يدخلهم قبل الدور و معامله زباله ومش هسكت وهعمل شكوي حالاً

أسوأ مكان اتعاملت معاه
للاسف تجربتين أسوأ من بعض ،اعتقدت انهم شركة محترمة لكن،
أول تجربة لما قررت أغير الاطارات الاربعة عندهم وبعد التأكيد عليا بتاريخ انتاج حديث ومحدد واتفقنا ، اكتشفت بعد التركيب انه تاريخ اقدم ، وتم التحايل عليا في الردود بدون امانه ولما عملت شكوى في الادارة فهمت ان عدم الامانه واستحلال الفلوس (سلوك) عندهم بدل ما يتحملوا نتيجة غشهم ويراعوا ربنا قبل العميل.
استعوضت ربنا وقولت حسبي الله ونعم الوكيل وخلاص.

التجربة التانيه بعد فترة لما غلطت تاني (وفرضت ان ممكن تكون هفوة او غلطة من فني او موظف اديتلهم فرصة تانيه) وقررت اعمل تغيير البطارية الروتيني عندهم وتم فك البطارية القديمة واثناء تركيب الجديدة كنت واقف مع الفني منورله كشاف الموبايل وسمعت صوت كسر وسألته ايه اتكسر قالي لاء مفيش واحضر فني اخر يكمل وحاولوا يغطوا على المشكلة ولما راجعته وبدأت اشوف معاه قولتله الجزء اللي بيركب في البطارية اتكسر قدامي قالي لاء هو مكسور اصلا!! رغم انه تم فكه من البطارية القديمة عادي.
وقتها حضر مشرف اخر وبعدم مسؤوليه تماماً قالي متقلقش بسيطه اي كهربائي يغيرهالك مش هتكلفك حاجه!! كذب وعدم امانه واستهتار حسبي الله ونعم الوكيل
الاسوأ كالعادة لما عملت شكوى في التقييم اللي اتبعتلي ، خدمة العملاء تواصلوا معايا بنفس السلوك السابق بكل استهتار وعدم اهتمام ومسؤليه عن خطأهم وغشهم. واكتفوا بعرض خصم بسيط ليا في المرة القادمة دون اي حل للمشكلة الحالية ولا السابقة!!
عذراً مفيش مرة قادمة ومستحيل ارشحكم لاي حد، بالعكس دايماً هحذر الناس منكم بكل امانه.
وحسبي الله ونعم الوكيل.