كازينو دي بيجون

مكان رائع له اطلالة واسعة على النيل تكاد تلمس ماء النهر محاط بالاشجار هادئ مقاعده متعددة التصميمات وكذلك الترابيزات المكان كله نظيف جدا”منظم بشكل جميل تناولت الغذاء فيه بعد العصر قد ألقت ظلال الأشجار على المكان كله ظلالهاوصفحة النهر متسعه تسر العين الحمامات بالغة النظافة أحواض معقمة أدوات. التنظيف. متاحة وكذلك المطهرات اما الاكل لذيذ الحمام المحشى ممتاز والارز المعمر بالحمام المخلى المبهر بالتواصل رائع شوربة الحمام حلوة يصلح للعائلات والأسر وأصحاب الأطفال لهم ركن الألعاب والاستمتاع بالهواء النقى الأسعار منطقية تتناسب وجمال المكان فريق العمل ودود سريع الاستجابة يتعاملون بكل احترام….. زوررررره

السنة دي كملوا 100 سنة من العظمة… فاتح من 1920 من ايام ما جدودنا كانوا بيزوغوا و يتقابلوا عالنيل في الكازينو

المكان مش مجرد اكل حلو… المكان نفسه ممكن يكون احلى و اروق قاعدة عالنيل فى مصر… فيوو تحفة وجو هادي كدة ماروحتش اي مكان تاني ممكن يتقارن بيه… و المكان عشان كبير جدا حتى لو زحمة بيفضل رايق

انا كنت معزوم في مناسبة فماعرفتش اصور كل حاجة اوي… بس هما اثبتولي انهم احسن مكان يتعمل فيه اي مناسبات او تجمعات عائلية… و الكل هيتبسط بالقاعدة و المكان و الاكل طبعا… متخيل انه ينفع لخطوبة او ما شبه عشان المكان كبير و مفتوح و فيه جزء مقفول كمان و كذا مستوى عالنيل

الكل كان عرق صعيدي تقريبا فالمعظم طلب “حمام محشي فريك” و اتبسطوا جدا و قالوا انه شبه بتاع البيت… الحمام المشوي بحسه مجهود اوي بس طعمه حلو … و كان في فراخ مسحب ماجربتهاش بس كان الكلام عليها هايل

وطبعا انا ليا الطاجن المخصوص بتاعي… رز معمر بالحمام و كبد الحمام يخليك تبكي من فرط اللذة وتحلم وانت قاعد و هو اخره 3 معالق وخلاص كدة هتفطس… مخدوم بزيااااادة وغرقان قشطة..

كان في الاول نازل مقبلات مشكلة… الورق عنب لطيف.. كبد الفراخ تحفة و مش زفرة والصوص حلو اوي.. السمبوسك بالجبنة جميلة بعجينتها المختلفة شبه الباف بيستري
وكان في فتوش وبابا غنوج كويسين وسلطة الراهب المفضلة لقلبي

الخدمة كانت فوق الممتازة بجد و مهتمين بكل تفصيلة وكانوا ذوق جدا في كل حاجة