مارك آند شارك، 6 أكتوبر

انا بتعامل مع المكان من زمان ومش هنكر ان حاجتهم كويسه برغم من ارتفاع الاسعار مقارنه بباقي السوق.. يوم ٢ يونيو اشتريت جزمتين لنفسي منهم اللي في الصوره دي وبعد شهر ونص بظبط يوم ١٩ يوليو اتفاجئ وانا قاعد ان في قطع عرضي في النعل بالشكل ده.. ان النعل يتقطع كده بالمنظر ده من عند الخياطه دي دليل علي ان الخامه رديئه او الخياطه كان فيها مضكله وللأسف لما بعتلهم علي الانستجرام قالولي هنرد علي حضرتك خلال ٣ ايام وبالفعل الرد وصلني انهم مش هيقدروا يعملوا حاجه عشان فتره التبديل والاسترجاع عدت.. الرد ضايقني خصوصاً ان مليش ذنب بنسبه ١٪؜ من اللي حصل واستخدامي بنزل الشغل في مكتب وبرجع البيت وخلاص والدليل علي كده الجزمه التانيه اللي اشتريتها والجزم اللي جبتهم قبل كده ولسا عايشين معايا.. بس من اول لقطه وتجربه ليا مع خدمه مابعد البيع اتصدم من قله المهنيه ومجرد اعتذار فقط واللي بالنسبالي مش مقبول لإن مشكلتي متحلتش.. دي كانت تجربتي الشخصيه معاهم هما ناس كويسين في التعامل بس خدمه مابعد البيع عليها اكتر من ملحوظه اتمني يظبطوها في المستقبل.