مدام نظيفة – مدام نظيفة

شركه محترمه و ناس متخصصه وشاطرين جدااا. شكرا للتعامل الطيب.. بجد افصل شركه غى مصر

تجربة سيئة جدًا ومستوى تنظيف أقل من العادي، ضياع للوقت والفلوس..
اللي حصل اني اخدت شقة مفروشة إيجار وكلمت شركة “نظيفة” وفهمتهم كل احتياجاتي وعلى اساس ده اتفقنا على نظام راحة للتنظيف العميق ولكن للإسف مستوى النضافة أقل من المتوقع.

الموضوع بدأ بعد ما عرضت على الشركة اني ادفع 75% من المبلغ مقدم والباقي بعد ما الزيارة ولكن رفضوا وده يدل على انهم مش واثقين في مستوى شغلهم.

ثانيًا رفضوا اني اكون موجود في الشغل لاني شاب عايش لوحدي، يا إما اسيب لناس معرفهاش الشقة يا إما يبعتوا مشرفة بتكلفة إضافية 500 جنيه!

ثالثا يوم التنظيف وفرتلهم كل المطلوب وسيبتلهم الشقة ورجعت بعد ما خلصوا ولكن كانت الصدمة ان في حاجات كتير مش متنضفة (فوق الدواليب، دواليب المطبخ، البوتوجاز، خلف وجانب السرير، سور الشبابيك، الاباجورات، ادراج التلاجة، الميكروويف) واشك انهم استخدموا ماكينة البخار لتنظيف العفش لان ريحته مفيهاش اي فرق!! نظرًا لانه كان يوم صيام وفي مطر وميعاد الفطار قرب اضطريت اخلي العاملات يمشوا بس تواصلت مع خدمة العملاء (اللي بصراحه من البداية للنهاية كانوا متفاهمين ومتعاونين) واتفقنا على زيارة تكميلية مجانية تاني يوم.

مشكلتي مع النضافة والعاملات اني فهمتهم احتياجاتي والحاجات اللي محتاجة تنضيف بشكل خاص ولكن رغم كده لما بقول دي مش متنضفة كويس بيقولوا ان الحاجة محتاجة ادوات خاصة او اني اجيب سترس من فتح الله وانضفه بيها! اومال انا جايب شركة مختصة ليه؟!

اخيرًا لما قولت لخدمة العملاء تاني بردو تفهموا ولكن المرة دي للاسف الحل كان انهم ادوني ساعة مجانية على نظام تاني! انا بعد تجربتي دي مش هتعامل معاهم مرة تانية لان للاسف رغم انهم شركة نضافة ولكن مفهمومهم عن النضافة اقل من المتوقع بكتير.. لا انصح اي شخص بالتعامل معاهم.