مدرسة بدر تايجرز

للاسف اسواء اداره بين المدارس ومدرسه ماديه جدا الماده عندهم اهم من الطالب ولا يوجد بها مستوى تعليمى جيد و

تجربتي عن مدرسة بدر تايجرز الحديثة للغات حدائق اكتوبر
مديرها وصاحبها المحترم الأستاذ م .م
قرر ان اي معلمة تطالب بحقها القانوني في العمل شهور الصيف بأجر كامل واكمال مدة العقد اللي ينتهي ف 30-8 من العام الحالي انه يحرمه من راتب شهر مايو وباقي اشهر الصيف والاعتيادي ومكافأة الإمتحانات اللي هي عبارة عن شهر من المرتب الإجمالي و قرر ايضا الضغط عليا كأم بالمدرسة وبنتي معايا عن طريق تهديدي قولا وفعلا بإلغاء خصم ابناء العاملين ومطالبتي بدفع مبالغ مالية بأثر رجعي مقابل نقل بنتي من المدرسة عن السنة الماضية بعد ما كملت معاه السنة واستحملت البهدلة من المديرة المباشرة اللي معينها وهي ما تعرفش اي حاجة عن الادارة اطلاقا لم يكتفي بذلك بل قام بمنعنا من دخول المدرسة وتهديدنا بأن له معارف و سيقوم بأكل حقوقنا بالقانون حيث قام بتغيير أرقام مرتباتنا الفعليه و يريد محاسبتنا علي ارقام اقل من المكتوب ف العقود التي قام بإخفاؤها وعدم تسليمها لنا لمده تزيد علي 7 شهور ومش عارفة بصراحة المفروض اننا بنتعامل مع واحد تربوي بيربي وبيعلم اجيال
الاستاذ الفاضل مش اول ناس يعمل معاها كده و للأسف حاولنا كتير ناخد حقنا واشتكينا ف كل حتة بيزيد اكتر ف التصرفات دي لدرجة انه حاليا بيقول اننا اصلا ما كناش شغالين معاه و اننا مالناش عقود عنده و عقودنا اترفضت من التوجيه بعد ما اشتغلنا السنة كاملة و مش مكتفي ب كده ده للضغط عالناس اللي اشتكت من القعدة ف البيت شهور الصيف قال انهم مالهمش اعتيادي لانهم رفضوا يمضوا الاجازة بالاجبار وقت ما هو عاوز و ادعي انهم منقطعين عن العمل و بعتلهم جوابات فصل بأثر رجعي و حسبنا الله ونعم الوكيل
خلوا بالكوا الاستاف اصلا بيتغير وبيطلبوا مدرسين كل سنة ويتفقوا علي حاجات ما بتحصلش وبيتنصلوا من كل ده ف اخر السنة بعد ما يكونوا مصوا دمك شغل حرفيا