مركز الإسكندرية لطب الأطفال

انا ابني عمل امبارح عملية ازاله كيس مية من الخصية الشمال مع د.مكاوي وتخدير د.شريف الهادي ، ابني ٥ سنوات فقط ، انا ما كنتش حاجزة غرفة فردية لانها جراحة يوم واحد يعني اول ما الطفل يفوق بنمشي ، وكان معايا والدي عنده شلل نصفي عشان متعلق بابني جدا ونفس الشئ ابني متعلق بيه، وكان ليا تجربة سابقة سيئة جداا مع فرع العجمي، وكنت مرعوبة من الريفيوهات المكتوبة عن المركز، و قلتلهم ده وانا بملى استمارة العملية، والحقيقة كنت داخلة عمليات على مسؤولية د.مكاوي ، حقيقي وجهة نظري اختلفت تماما ، مكان في منتهى النظافة ، الناس في منتهى الادب والزوق، تمريض محترم ومتعاون جدااا ، بيخدمو الناس دون انتظار مقابل او كل سنة وانت طيب والجو اللي انتو عارفينو بتاع المستشفيات ده ، الدكتور نفسه بقى د.مكاوي ، زوق السنين لدرجة انه ماكانش عايز ياخد فلوس العملية اساسا ، غير المهارة والدقة في عمله تسلم ايده بجد ابني النهاردة بيمشي وزي الفل ومش حاسس بحاجة اساسا ، راجل محترم وشبعان وشاطر ومش تاجر وبيعامل الاطفال كلهم انهم ولاده ، التخدير مش عارفة اقول ايه من زوق وادب واحترام ومهارة وتهدئة الطفل واحتوائه قبل العملية مش ارهابه ، والطفل فاق بعد العملية بنصف ساعة بالملي وكانه قايس البنج بالثانية ، الامن متعاون جدا ، ساعدوني في والدي ، وساعدوني في انزال ابني وتركيبه العربية واحنا مروحين ، حقيقي الف شكر والتجربة الفعلية اثبتت عكس كل ماهو مكتوب حرفيا ١٨٠ درجة ، نسيت اقلكم ان التمريض وفر لوالدي سرير يريح عليه دون اي مقابل لما شافوه تعبان ، حقيقي بجد الف الف مليوووووون شكر
الضمير والاخلاق لا تتجزأ، انصح كل الامهات لو هاتعملو عملية لطفل توجهوا للمركز ده لانه مختص بالتعامل مع الاطفال فقط … الف شكر لكل القائمين على المركز وكل الاطباء والتمريض 🙏❤️
الطفل ( سراج الدين م.إ.ب.م)

تجربة سيئة عملت تحليل صفرا ب٨٠ج في معمل مستشفي خاص وعندهم عملوا تحليل صفرا ب٢٤٠ وللأسف نتيجة طلعت غلط