مركز التجميل البرازيلي بتقنية المايكروبليدينغ – الشيخ زايد

عملت عندهم شعري من فترة كبيره ، كنت فاكره ان مش هحتاج سشوار بس قالولي لازم الشعر يتشور كل ما يتبل ، ف انا كده بالنسبه ليا معملتش حاجه لان انا المفروض عامله تريتمنت عشان ارتاح من الحرارة ، الكلام ده كان من تلات سنين ، طبعا نتيجه السشوار كل شويه مع التريتمنت حرقلي شعري من النص من ورا ومبقاش بيطول
عملت لاش اكستنشن عندهم ، البنت اللي بتعملي لزقت حته قطنه تحت الجلو ف عيني التهبت روحتلها تاني وظبتهالي
عملت ضوافري بس للاسف معجبنيش الفنش خالص كانت مربعه بس التربيعه كان شكلها مش متناسق كانت كبيره اوي
وياريت لما يصوروا الكلاينت بعد التريتمنت يصوروها بعد غسيل الشعر مش بعد ما يحطوا المادة ويدوسوا عليها بالبيبي ليس وشكرا

المكان تحفه والتعامل حلو اوي وكل التيم متعاون اوي ودي مش اول مره ليا تعتبر تقريبا تالت مره وهما لسه محافظين على نفس الجوده بتاعتهم🫶🏻

اوحش مكان سواء فرع زايد او هيليوبلس من حيث التعامل مع العميل والاستهتار بتحديد السعر المناسب للخدمه المقدمه وكأن مفيش رقابه عليهم ولا حد بيحاسبهم ولا بيقولو ليسته اسعار واضحه لكل خدمه لا كل الاسعار فيها تلاعب حسب مزاجهم

ومنكرش ان الخامه الي عملت بيها تريتمنت ارجان لشعري نتيجتها عجباني ولكن كل حاجه غير الخامات سيئه للغايه
..يعني التعامل مع الريسبشن كلهم مكشرين ومستفزين
..وتحديد سعر الخدمه مبالغ فيه وغير منطقيي تماما
كل ماروح يقولو سعر عالي جدا
بحجه ان خاماتهم مستورده والدولار زاد حتى لو الدولار نزل بتقولي الاونر هي الي بتحدد السعر مش احنا

حتى لو كانوا عاملين عروض بتكون عروض خادعه وتقولي اصل شعرك جدوره طولت اوي اصل احنا مالناش دعوه دا سعر بيجلنا من بره ..
ودي اخر مره هتعامل معاكم او ارشحكم لحد بعد مكنت عميله منتظمه معاكم بس للاسف انتوا مش محل ثقه ابداا