مركز برو ساين المعتمد للعناية بالسيارات من 3M

حابب أوجّه شكر خاص للمهندس عمرو، شخص محترم جدًا وقادر على استيعاب العميل ومحاولة تحقيق طلبه بأفضل شكل ممكن.

في زيارة المراجعة ظهر إن فيه خدش في طبقة الحماية، وممكن فعلًا يكون حصل بسببي رغم إني ماخدتش بالي. أول ما شرحت له المشكلة، كان رده بمنتهى الذوق: «مبدئيًا هعمل لحضرتك كل اللي إنت عايزه».

وبعد ما عالج الموضوع، شرح لي بهدوء إن اللي حصل خدش مش فقاعة في طبقة الحماية، وورّاني عمليًا الفرق بينهم، وده خلاني مقتنع تمامًا بالتفسير.

بشكل عام تجربة محترمة جدًا، سواء في جودة الشغل أو الاستقبال والتعامل. شكر خاص للأستاذ مصطفى مدير المركز، والأستاذ أحمد خطاب على متابعته وتعامله المحترم معايا على الواتساب، وبالأخص المهندس عمر اللي أصريت أتصور معاه تقديرًا لأدبه وذوقه وحسن تعامله.

تجربة إيجابية جدًا، وأرشح المركز بشدة. 👌

حابب أشكر جدًا الأستاذة لميس على حسن تعاملها وذوقها واهتمامها من بداية التعامل لحد ما خلصنا. كانت متعاونة جدًا ومحترمة، وشرحتلي كل التفاصيل بكل وضوح، وخلت تجربة التعامل مع الشركة مريحة جدًا.

بصراحة هي نموذج مشرف جدًا للشركة، وحبيت أوصل لكم شكري وتقديري ليها على مجهودها وحسن تعاملها. وبشمهندس مصطفي وكل الناس. بصراحه محترفين فشغلهم