مركز تقديم طلبات التأشيرة التركية MZ Visa / الإسكندرية

تقديم طلب الحصول علي تاشيره تركيا بسهوله ، كل شئ منظم
بدون زحام .
I have got Turkish visa so easily

للي مسافرين تركيا وخصوصا للدراسة ، محتاج بعد ما الڤيزا تِطلع تصريح أمني عشان تعرف تسافر ، عشان التصريح يطلع محتاج خطاب مالسفارة التركية في القاهرة ودي الأوراق المطلوبة 👇🏾 ( في صورة تحت )
الخطاب بيطلع خلال أسبوع بالظبط وعليه ختم السفارة هتاخده تصدقه خارجية مالقاهرة مينفعش من طنطا أو أي مكان تاني عشان معندهمش صلاحية ، هتصدقه وتطلع على إدارة الجوازات في العباسية وتبقا مجهز باسبورك وطبعا هيبقا عليه الڤيزا وهتصور الباسبور والڤيزا والخطاب كل حاجة صورة وأي إثبات شخصية للأب ( الإثبات صورة أو أصل مش هتفرق ) ، عشان تدخل أصلاً لازم يبقا معاک شهادة اللقاح ، ولو هتاخده هناك عندهم في الجوازات عشان يدخلوك هتطول أوي ووارد جداً يِخلص ومتلحقش فخده قبل ما تروح وانجز نفسك ، ه‍تخش بعد ما توريهم الشهادة ، الموظفة هتقلك تجيب الباسبور والخطاب اللي انتا عامله في السفارة وهتديك استمارة املاها وهتديك دور هتخش دورك هتديهم الأوراق اللي قلتلك عليها فوق وهتدفع الفلوس وهيقولوك هتيجي تستلم إمتا ، لو التصريح طالبه مستعجل هتاخده اليوم اللي بعده علطول ، لو مستعجل بتديك فاتورة وبتسدد ٢٥ ج واما تيجي تستلم بتدفع ١١٠ ج ، ياريت بس حد يطبع دي ويعلقها هناك في MZ عشان هناك ميعرفوش حاجة عن التصريح وهتتسوح وهيضيع عليك وقت ملوش أي ٣٠ لازمة