مركز مغربي للعيون والأسنان – القاهرة الجديدة

تجربتي سيئه مع مستشفى المغربي فرع التجمع الخامس
روحت المستشفى علشان اعمل تنضيف واشيك على الحشو ( أنا تامين صحي دخلت تامين )
الدكتوره كشفت عليا وقالتلي ان جزء من الحشو أتكسر وإنها هتعمل التنضيف وتركب حشو تاني قولتلها تمام وعملت كده فعلا
خرجت الريسيبشن قالي هتدفعي كاش وهتبقى نكلمك تاخدي الفلوس ازاي ؟!! أنا تامين المهم دفعت
بعدها بيوم كان في ألم وبعدها بيومين ألم شديد لدرجه مش عارفه انام كلمتهم ااقرب معاد بعد ٥ أيام ازاي أنا في ألم شديد طيب أجي طوارئ قالي لو محتاجه تدخل ما حدش هيعمله في الطوارئ

من شده آلام روحت لدكتور تاني عملت أشعه قالتلي الحشو غلط وفي خراج ولازم تنضيف وحشو تاني

أنا مش مشكلتي الخطاً الطبي أنا مشكلتي الامبالاه وعدم الاهتمام بالألم الشديد اللي كنت فيه وعدم الرغبه في الإصلاح

ده غير طبعا إلغاء المواعيد المتكرر

معاملة الممرضات سيئة جدا دا غير اني حجزت ميعاد قبل ما اروح الساعة وكنت فعلاهناك فى الميعاد وفضلت قاعدة للساعة ٦.٤٥ ليه اقعد ساعتين الا ربع عشان اكشف نظر اومال لو لا قدر عندى مشكلة وتعبانة اموت وكل دا عشان طقم التمريض يدخل اللي مزاجه فيه للدكتور وكبيرة الممرضات مشكورة نادتني بعد ماخرجت من المستشفى حضرتك قعدتي دا كله خلاص بقى انتي دورك اللي بعد اللي جوا واللى جوا دا اصلا خرج قدامي ترد ممرضة تانية تقولى اصلي الدكتور واخد كشفين يرضى مين دا بس والاسم مستشفى خاص اومال لو عام المواطن هيتعامل ازاى

مستشفي سيئة جدا في كل حاجة سواء الحجز او المواعيد او التشخيص او الاتصال بهم مفيهاش حاجة كويسة كنت حاجز من دكتور محمد سامي استشاري عيون المفروض المهم وانا بكشف كان مقعد معاه في غرفة الكشف اتنين صحابه وهو بيكشف عليا وكان بيتكلم معاهم اثناء الكشف وواحد منهم كان بيشرب سجاير ايكوس 😁 فا كانهم قاعدين في القهوه مع بعض ومتعرفش انت الي دافع كشف تتكلم معاه لانه مستعجل جدا معرفش ليه المهم كبرت دماغي وحجزت معاه العمليه كان ميعادي الساعة ١١:٣٠ وطبعا حجزت الميعاد دة بعد والله والله معاناه معاهم من عدم رد الا بعد ساعات وطلبات لتحاليل مش واضحة واجبار علي عمل التحاليل عندهم وقرف غير طبيعي المهم عدينا كل دة ورحت يوم العمليه صايم ٦ ساعات ووصلت قبل ميعادي بربع ساعة فا الاقي ان الدكتور محمد سامي دخل حد تبعة قبلي ومن غير حجز وانا مضطر اقعد استني العمليه الي معاه تخلص بعد ساعة ونص او ساعتين منتهي الاستهتار وقله الادب والله