مطعم ابو العربي للمأكولات البحرية

للاسف طلبت وقار وشكله كان قديم قوى عندهم واشترطت عليه مايفتحش بطنه ولا يشرحه واتفاجأت ان بطنه مفتوحه وحاشيه دقه متعود اكل راس السمكه وامصمصها وللاسف لقيت ريحة وحشة جدا تحس ان السمكه كانت متحللة علشان كدا فتحو بطنها وحشوها دى اول مرة اكل فيه وهتكون اخر مرة والرز كان بارد جدا متلج وطلبت سلطه طحينة بس لقيت بتاع السلطات مزود لى سلطه خضرا وطماطم حراقة وبابا غنوج بقوله انا ماطلبتش دا كله قالى انا حبيت اعملك تشكيلة قولتله لا موش هيتاكل شيل حسسنى انى انا بشحت منه بصراحه ندمت انى رحت المطعم دا وال ١٠٥ دى علسان ايه موش عارف بصراحه حاجه مقززة

روحت مرتين السنة دي ٢٠٢٥ ، مرة متوسطة و مرة وحشة
و طلبت تقريبا نفس الطلبات لكن الجودة كانت مختلفة كل مرة
كنت بروحه كل سنة اروح فيها مرسى مطروح
لكن بصراحة عملوا حركة مش قادر اعديها بالرغم من ادارة المطعم حاولت تراضيني بس الترضية غير مقنعة
طلبت كيلو فيلية في المرة التانية ، هم بصراحة قالولي مفيش فيلية حاليا ، فكنت همشي لأني جاي عشانه ، فقالوا خلاص اتصرفنا و جبنا فيليه ، طلعوا عملوا صوابع بطاطس مهروسة و فيها شوية سمك بلطي مفتفت جواها و الترضيه انهم عملوا خصم ٨٠ جنيه 🤣

انا طلبت سمك بوري سنجاري وشوربة سي فود وسلطات وارز صياديه
الحقيقة ان السمك والشوربة طعمهم اكثر من رائع.
السلطات (طحينه و بابا غنوج) دون المستوى
العاملين و الستاف محترفين وودودين.
الاسعار مناسبه
انصح بزيارة هذا المطعم لمن يريد تجربة وجبه سمك شهيه في مرسي مطروح