مطعم ساشيمي سوشي

مطعم جيد جداً

الاكل اعوذ بالله حرفيا ميتاكلش
+ كنا طالبين ببسي و 7up و مكانوش موجودين في المنيو و في الاخر طلع الواحد ب 35 !!! يعني ٣ كنز ب 105 جنيه !!!!

مبدأياً كدة لو ماجربتش السوشي يبقى حياتك ناقصها كتييييير فعلاً!
فننصحك تجرب السوشي خاصة في المكان ده.
المكان كويس جداً وهتلاقي كابتن يساعدك في الإختيار لأن في عدد كبير جداً من الإختيارات

في كومبو 50 قطعة وده يشبع 4 افراد و ممكن ماتقدروش تخلصوه كمان
وفي عرض كومبو 100 قطعة ده يكفي من 8 ل 10 افراد.

اول و أهم نصيحة تبدأوا أكل بالحاجات الgrilled والfried، هتعجبكم جداً و هتدخلكم في mood السوشي

إحنا جربنا انواع كتير، اكتر حاجة عجبتنا كلنا كانت ال Grilled sushi
جربنا كمان Philadelphia roll دي حاجة كدة ممتعة جداً، و طعمها يجنن، جربوها.

ندخل بقى على التنين، ايوة هو اسمه كدة Rainbow dragon
و ماتفهموناش غلط في موضوع الrainbow، ده إسمه كدة. في منه كذا نوع، طعمهم لطيف و يستحقوا التجربة

جربنا كمان اوشي شريمب تامبورا
هو اسمه كدة تحسه تعويذة، و طعمة كمان تعويذة، جربوه يا جدعان.

في كمان Sashimi lemon roll طعمه حلو اوي و السمك فيه fried مخلي طعمه مالوش حل.
و ماتنسوش تجربوا الSoho يا جماعة و اطلبوه تونة، بتخلي طعمه لطيف

المفروض بين كل نوع سوشي و التاني تفصل ب جنزبيل، هتلاقيه بينزل مع الاوردر و ده بيخليك تحس بطعم كل نوع لوحدة

كمان ننصحكم تحطوا السوشي في صوص الصويا قبل ماتاكلوه، بيخلي طعمه خطير.
هتلاقوا هناك حاجة شبه الكريم شانتيه كده بس خضرا، دي مش حاجة حلوة يا جماعة 😂 ده “واسابي” وده فجل ياباني طعمه في الأول بيكون حامي جداً ، بص لو مش فاهم ده ايه هو شطة ياباني معتبرة ، للناس اللي بتحتب الحاجات ال Spicy ، جربوه كدة على السوشي بيعمل طعم غريب و جديد.

في ناس كتير بتبقى متخيلة انهم علشان ياكلوا سوشي هيدفعو 1000 جنيه مثلاً ، بس المكان ده غيرلنا كل المفاهيم.