مطعم سكا

المكان لطيف جدا كمكان و كمطعم أكلهم حلو جدا ده بالنسبة للأكل و الحلويات الشرقية ووتورتة العروسة واما الجاتوهات كانت مش حلوة و طعمها مش طازة
اما بالنسبة اننا حضرنا فيه فرح مش رحناه كمطعم فعليه ملاحظات كتير اهمهم ان ما فيش تنظيم كفاية يعني مثلا العروسة جاهزة و العريس جاهز و ما فيش حد يقولهم التحرك
للقاعة امتى و ازاي و دخول القاعة ازاي و ده سبب تأخير على ما فضلوا يدوروا على حد يوجههم
من أسوأ الحاجات في الفرح كانت السوفا اللي هي المفروض انها كوشة العروسة منظرها قديم و لونها
رايح يا ريت تبقى تتجدد او تتغسل
الكراسي اللي قعد عليها المعازيم اولا مش مريحة نهائي و الأهم انها طبعت لون على شنط و هدوم المعازيم
البوفيه معمول على ناحيتين ناحية منهم ما فيهاش حلويات
الطريق من غرفة العروسة لمكان الفرح المفروض ما يبقاش
تراب يبهدل فستان العروسة من قبل ما الفرح يبدأ
المفروض يكون مفروش سجاد او نظيف على الأقل
محتاجين تراجعوا طريقة تنظيم الفرح علشان يطلع بصورة تشرفكم اكثر من كده

المكان جميل جدا الخدمة ممتازة والمكان الجو فيه رومانسي و هادي وفيه ترحيب وتعامل راقي جدا من اول الوصول وفي كل خطوة داخل المكان والاكل طعمه جميل جدا

المكان لطيف وإمكانياته مناسبة جدا لكل المناسبات وموقعه مميز جدا وفريق العمل محترم
بس تجربتي فيها كام ملاحظة :
– مهم جدا في الاتفاق التأكد من كافة التفاصيل والاتفاق علي شكل وصور كل حاجه لأنه للأسف اللي هتشوفه في الصور والفيديوهات مختلف عن الواقع والرد هيكون ده بسعر مختلف رغم انه لم يتم عرض كل الاختيارات المتاحة
– الغرفة الخاصة بالعروسة مش مناسبة وجاهزة لانها تلبس او تجهز فيها فمهم معاينتها الاول للتأكد من مناسبتها